Yusup Has Hajib

Yusup Has Hajıb XI ásirde jasaǵan shıǵıs elleriniń kópshiligine belgili bolǵan kórnekli shayır hám alımlarınıń biri. Ol jasap turǵan zaman túrkiy xalıqlar birlespesiniń eń rawajlanǵan zamanı, Qaraxaniyler mámleketiniń ilim hám pán jaǵınan ósıp, joqarı basqıshqa kóterilgen dáwiri edi. Sonıń ushın da, bul ájayıp shayır túrkiy tilindegi jazba poeziyasınıń baslawshılarınıń biri boldı. Yusup Has Hajıbtiń pikiri boyınsha mámleketti basqarıwdıń ózi bilim tiykarında bolmaǵı kerek. Mámleketlik degenniń ózi — adamlardı qurǵın jasawǵa baslaw. Bul jolda oǵada kóp adamlar bas qatırǵan. Talay-talay kitaplar basılıp shıqqan. Al, bul kitaplardıń bári de arab hám parsı tillerinde edi. Al, men bolsam, sol kitaplardan paydalanǵan halda túrkiy tilindegi dáslepki danıshpanlıq kitabın jazbaqshı boldım. Bul kitaptıń negizin eldi ádillik penen basqarıw usılları quraydı,—dep kórsetedi.