Abadan Turdımuratova

Abadan Turdımuratova
Tuwılǵan sáne	9-sentyabr 1980-jılı(1980-09-09) (45 jasta)
Tuwılǵan jeri	Qazaqdárya awılı, Moynaq rayonı
Dóretiwshilik túri	poeziya, awdarma

Abadan Turdımuratova (Абадан Турдымуратова; 1980-jıl 9-sentyabr, Moynaq rayonı) — qaraqalpaq shayırı, awdarmashı, redaktor. Filologiya ilimleriniń doktorı (PhD) (2025). Qaraqalpaqstan Jazıwshılar awqamınıń aǵzası (2005).

Ómir hám miynet jolı

Abadan Turdımuratova 1980-jıl 9-sentyabrde Qaraqalpaqstan Respublikası Moynaq rayonı Qazaqdárya awılında tuwılǵan. Ájiniyaz atındaǵı Nókis mámleket pedagogika institutı, keyin Alisher Nawayı atındaǵı Tashkent mámleket ózbek tili hám ádebiyatı universiteti «Joqarı ádebiyat kursı» magistraturasında tálim alǵan. Respublika «Jas dóretiwshileri»niń Zomin seminarı jeńimpazı. 2005-jıldan Qaraqalpaqstan hám Ózbekstan Jazıwshılar awqamınıń aǵzası.

Ózbekstan Ilimler akademiyası Ózbek tili hám ádebiyatı, folklor institutınıń tayanısh doktoranturasın pitkergen.

Dóretiwshiligi

Ádebiy dóretiwshiligi

Abadan Turdımuratova

Qosıqları «Jaslar dawısı» almanaxı, «Shıǵıs juldızları», «Jaslıq» jurnalları, «Ózbekstan ádebiyatı hám kórkem óneri» gazetasında ózbek tiline awdarma etilip, daǵaza etilgen. «Gúzgi japıraqlar» (2003), «Sen, Men hám qosıqlar» (2017), «Muhabbat jaǵası» (2020) atlı qosıq toplamları hám balalarǵa arnalǵan 7 awdarma kitabı baspadan shıǵarılǵan.

Talantlı shayır retinde Baxtıyar Jumataevtıń «Aman yar», «Sulıwım», Gúlnaz Ótepovanıń «Jigit sultanı», Aybek Jamalovtıń «Takapbır yar», Dástan Bektursınovtıń «Balam», Jámiyla Bekbergenovanıń «Ármanbız ele», Sultan Qosekeevtiń «Muxabbat, qálbimde máńgi qal» qosıqlarınıń sózin jazǵan.

200ge jaqın ádebiy hám ilimiy ádebiyatlardı redaktorlaǵan.

Ilimiy dóretiwshiligi

A. Turdımuratova 2025-jılı filologiya tarawında doktorlıq dissertaciyasın qorǵap, filologiya ilimleriniń doktorı (PhD) ilimiy dárejesin aldı.

Jetiskenlikleri

2015-jılı «Shuhrat» medalı menen sıylıqlanǵan.