Aleksandr Goryanin

Aleksandr Borisovich Goryanin
Tuwılǵan sánesi	25-aprel 1941-jıl
Tuwılǵan jeri	Tashkent
Puqaralıǵı	Rossiya
Dóretiwshilik túri	jazıwshı, publitsist, jurnalist, awdarmashı, ssenarist

Aleksandr Borisovich Goryanin (1941-jıl 25-aprel) sovet hám rus jazıwshısı, publitsist, jurnalist, awdarmashı, hújjetli ssenariy avtorı, Rossiya Jazıwshılar awqamı aǵzası.

Biografiyası

Aleksandr Goryanin 1963-jılda Tashkent Mámleketlik universitetiniń geografiya fakultetin tamamlap, 12 jıl Orta Aziya boylap ekspediciyalarda islegen. 1977-jıldan berli Moskvada jasaydı. Aleksandr Rossiya mámleket kitapxanası úlken ilmiy xizmetkeri, «Vek» gazetası; sharhlawshısı, «Mejdunarodnoye sotrudnichestvo v sfere obrazovaniya» jurnalı bas redaktorı, ITAR-TASS baspa úyi bas redaktorı, Rossiya Xalıqlar doslıǵı universitetiniń Rossiyanı úyreniw boyınsha universitetlar aralıq orayı docenti. Házirde ǵárezsiz izertlewshi, siyasiy hám PR joybarları qatnasıwshısı, radio hám televideniede shıǵadı.

Ilimiy jumısları

Aleksandr Barisovich «Razrusheniye xrama Xrista Spasitelya» (London, 1988), «Mifi o Rossii i dux natsii» (Moskva, 2002), «Traditsii svobodi i sobstvennosti v Possii» (Moskva, 2007), «Optimisticheskoye rossiyevedeniye» (Moskva, 2008), «Preobrajeniye Rossii» (Moskva, 2008), Tariyxıy hám jurnalistikalıq dilologiya «Rossiya: istoriya uspexa. Pered potopom» (Moskva, 2010) hám «Rossiya: istoriya uspexa. Posle potopa» (Moskva, 2011), «Nedootkritaya strana» (Moskva,2019) kitaplar avtorı. Bunnan tısqarı D.A.Yagodintsev penen teń avtorlıqta «Bog lyubit Rossiyu» kitabın jazǵan (Moskva, 2016). «Otechestvovedeniye» sabaqlıǵı avtorları jámiyeti aǵzası (Moskva, 2004) hám Milliy institutınıń strategiyasına doklad jazǵan. Goryaninnıń «Rossiya: istoriya uspexa» dilogiyası Rossiya Federaciyası bilimlendiriw hám pán ministrligi mektep oqıwshıları ushın usınıs etilgen Rossiya Federaciyasi xalıqlar tariyxı, mádeniyatı hám ádebiyatı boyınsha «100 knig Rossii» dizimine kirgizildi.

«Noviy mir», «Zvezda», «Profil», «Ekspert», «Tiykarǵı tema», «Otechestvennye zapiski», «Russkaya misl» (Parij), «Literary», «Nezavisimaya» gazetaları hám basqa baspalarda Aleksandrdıń social-siyasiy hám mádeniy temalardaǵı 200 den aslam maqalaları baspadan shıǵarılǵan.«Azatlıq» radiosında (1997-2000) kóplegen programmalardıń avtorı.

2001-jıl «Zvezda» jurnalınıń ólshem hám uyqassız qara sóz benen jazılǵan kórkem shıǵarma bóliminde laureatı boldı («Gruz» gúrrińi ushın ). 2006-jıl analitikalıq jurnalistika salasındaǵı birinshi dárejeli sıylıqqa iye boldı («Ekspert» hám «Profil» jurnalları, «Industrial Weekly» gazetası hám VTB 24 Bank tárepinen shólkemlestirilgen). Eki márte «Znaniye - sila» jurnalı sıylıǵı laureatı (2012 hám 2016-jıllarda). Milliy besceller, sonıń menen birge, Ivan Petrovich Belkin sıylıǵına iye bolǵan.