Altın Globus
Altın globus sıylıǵı (anglichancha: Golden Globe Award) -1944-jıldan beri Gollywood sırtqı baspasóz associaciyası tárepinen filmler hám televiziyalıq filmlerdegi iskerligi ushın beriletuǵın sıylıq. Altın globus hár jılı yanvar ayında Gollivud jasaytuǵın 90 ǵa jaqın xalıqaralıq jurnalistlerdiń dawıs beriwi menen sıylıqlanadı. Film sanaatında, ol Akademiyalıq (Oscar) sıylıǵınan keyingi ekinshi eń abıraylı sıylıq bolıp tabıladı[1].
Tariyxı
[redaktorlaw | derekti redaktorlaw]Altın globus tariyxı 1944-jıldan baslanadı, sol waqıtta Fox Studiyasında kóplegen kino juldızları qatnasqan, bir neshe shet el jurnalistleri 1943-jıl ushın eń jaqsılardı tańlaǵan. Birinshi sıylıqlaw saltanatınıń unamlı nátiyjesi sıylıqtıń húrmetli Akademiya sıylıǵına ǵárezsiz alternativa sıpatında rawajlanıwın aldınan belgilep qoydı.
Film hám televideniye jetiskenliklerine ǵárezsiz hám qalıs ataq beriwine qaramay (Oskardan ayırmashılıǵı), waqıt ótiwi menen «Altın globus» sıylıǵı «Oskar kórsetkishi» ne aylandı. Eger siz eki sıylıqtıń pútkil waqıyasın kórip shıqsańız, «Oskar» sıylıǵına iye bolǵan filmlerdiń úshten eki bóleginen kóbiregi aldın «Altın globus» sıylıǵına iye bolǵanı málim boldı.
Bir neshe jıl ótkennen keyin, 1950-jılda «Eń jaqsı anglichancha bolmaǵan film» nominaciyası payda boldı — birinshi jeńimpaz Italiyanıń «Velosiped urıları» filmi boldı[2].
1952-jıldaǵı tiykarǵı ayırmashılıq dramatik hám komediya yaki muzıka baǵdarındaǵı «Jıldıń eń jaqsı filmi» boldı. Soǵan uqsas ayırmashılıq «Eń jaqsı aktyor» hám «Eń jaqsı aktrisa» nominaciyalarına da tásir etti. 1956-jıldan beri «Altın globus» film hám televideniye ushın túrli nominaciyalarda sıylıqlandı.
Sıylıqlaw saltanatı birinshi bolıp telekanalda 1958-jılda bolıp ótken, biraq 1963-jılǵa shekem, tek Los-Andjeles televideniyesi tamashagóyleri sıylıqlawdıń gúwası bolǵan.
Birinshi rásmiy «Altın globus» sıylıqları 1954-jılda «Century Fox» ta ótkerilgen. Sonnan keyin, sıylıq hár jılı ótkeriletuǵın statusqa iye boldı jáne onı usınıw dástúri keyingi on jıllıqta túrli jerlerde ótkerildi. Shama menen sol waqıttıń ózinde Gollivud shet el baspasóz associaciyası film sanaatına qosqan úlken úlesin moyınlaw belgisi bolǵan arnawlı sıylıqtı shólkemlestiriwge qarar etti. Atap aytqanda, Walt Disney bunday sıylıqqa iye boldı.
Ádetde sıylıqlaw dástúri joqarıda aytıp ótilgen awqamǵa tiyisli jurnalistler tárepinen ótkerildi. Biraq, 1958-jılda Frank Sinatra, Din Martin hám Sammy Devis saxnaǵa shıqtı. Tamashagóylerge olardıń shıqqanları oǵada unadı hám keyingi jıl sıylıqlaw saltanatı olarǵa isenip tapsırıldı.
Házirgi kúnde sıylıq laureatları dawıs beriw jolı menen anıqlanadı, olardıń qatnasıwshıları Gollivud sırtqı baspasóz associaciyasınıń (shet el baspalarında isleytuǵın Los-Andjelesdegi jurnalistler shólkemi) aǵzaları bolǵan júzden artıq adamlar bolıp tabıladı.
2006 -jıl basında Gollivud shet el baspasóz awqamı eń jaqsı animaciyalıq film ushın sıylıq shólkemlestiriw haqqında qarar qabılladı. Birinshi ret bunday sıylıq 2007-jılda "Altın globus" 64-saltanatında "Avtomobiller" animaciyalıq filmine usınıs etilgen edi.
Sıylıqlaw dástúri házirgi kúnde Los-Andjeleste (AQSh) ótkerilmekte.