Altıngúl Óteniyazova
| Altıngul Óteniyazova | |
|---|---|
| Tuwılǵan sánesi | 13-aprel 1965-jılı (60 jasta) |
| Tuwılǵan jeri | Taxtakópir rayonı |
| Kásibi | jurnalist |
| Qostarı | Tolıbay Pirimbetov |
| Perzentleri | Rawshan Ájiniyaz Baqbergen |
| Ataqları | "Ózbekstan Respublikasında xızmet kórsetken jurnalist" "Qaraqalpaqstan respublikasına miyneti sińgen mádeniyat xızmetkeri" |
Altıngúl Óteniyazova — Qaraqalpaqstan MTRK jurnalisti, redaktor hám shayır. Qaraqalpaqstan telekanalındaǵı Ayqulaq ádebiy saz-sáwbetli baǵdarlamasınıń redaktorı.
Biografiyası
[redaktorlaw | derekti redaktorlaw]Óteniyazova Altıngúl Palwanovna 1965-jılı Taxtakópir rayonında tuwılǵan. Dáslep awıldaǵı segiz jıllıq mektepte, keyin kásip texnikalıq oqıw orınında orta bilim iyelep, Qaraqalpaq mámleketlik universitetiniń Jurnalistika qánigeligin pitkergen. Dáslep "Bilim" baspasında, keyin 1991-jıldan baslap Qaraqalpaqstan respublikası teleradiokompaniyasında xızmet etip keledi[1].
2004-jıldan Ózbekstan hám Qaraqalpaqstan Jazıwshıları Awqamınıń aǵzası bolǵan.
Ayqulaq
[redaktorlaw | derekti redaktorlaw]Ayqulaq ádebiy saz-sáwbetli baǵdarlaması Qaraqalpaqstan telekanalındaǵı eń belgili kórsetiwlerdiń biri. Kórsetiwdiń avtorı, redaktorı hám alıp barıwshısı Altıngúl Óteniyazova. Ayqulaq kórsetiwi ayına eki ret efirge turaqlı túrde beriledi. Kórsetiwde teletamashagóylerdi intellektual oyınlar arqalı kitap oqıwǵa baǵdarlaw, ruwxıy dúnyasın jánede jetilistiriw, milliylikti hám xalıq awızeki ádebiyatlardı keń en jaydırıw bolıp tabıladı. Ayqulaq kórsetiwi tiykarınan 4 rubrikanı óz ishine qamtıydı. Olar Kitaplar álemi, Ásirlerden saza, Jumbaqlı dúnya hám Ayaziy. Kórsetiw dawamlılıǵı 20-30 minut[2].
Kitapları
[redaktorlaw | derekti redaktorlaw]Balalarǵa arnalǵan "Umıtshaq" gúrrińler toplamı, "Qız kúndeligi" gúrrińler toplamı, "Júreklerde bar bol, muhabbat", "Jaqsılıqqa tájim", "Ayqulaq" poeziyalıq toplamları, "Ańlattıń maǵan" atlı tańlamalı shıǵarmaları kitap bolıp baspadan shıqtı
Dóretiwshiligi
[redaktorlaw | derekti redaktorlaw]"Qızıń — ar namısıń" atlı muzıkalıq draması Berdaq atındaǵı Qaraqalpaq mámleketlik akademiyalıq sazlı teatrı saxnasında qoyılǵan.
"Arzıwlı jollar" teleserialı Qaraqalpaqstan telekanalında, 96 bólimnen ibarat "Tırnalar kiyatır" atlı radioserialı Nókis FM radiosı arqalı tamashagóyler názerine usınıldı hám joqarı bahalandı.
"Ayqulaq", "Aramızdaǵı ápsanalar", "Ata mákan saǵınıshı", "Qálbimdegi qosıqlar"kórsetiwlerin tayarlap, birneshe jıllardan beri tele tamashagóyler alǵıslarına miyasar bolıp kiyatır.
Jetiskenlikleri
[redaktorlaw | derekti redaktorlaw]Altıngul Óteniyazova "Ózbekstan Respublikasında xızmet kórsetken jurnalist", "Qaraqalpaqstan respublikasına miyneti sińgen mádeniyat xızmetkeri".
Shańaraǵı
[redaktorlaw | derekti redaktorlaw]Ómirlik joldası Tolıbay Pirimbetov ta telejurnalist. Perzentleri Rawshan, Ájiniyaz, Baqbergenler de joqarı maǵlıwmatlı qánigeler sıpatında el xalqımızǵa xızmet etip keledi.
A.Óteniyazovanıń eki júzge jaqın qosıqlarına belgili kompozitorlarımız tárepinen nama jazılıp, elimiz bayramlarında belgili qosıqshılarımız tárepinen atqarılıp kiyatır.
Respublikalıq gazeta jurnallarda ótkir mazmunlı maqalaları, publicistikalıq dóretpeleri, ocherkleri menen jiyi-jiyi kórinip turadı.
Derekler
[redaktorlaw | derekti redaktorlaw]
|
Bul maqalada basqa til bólimlerine siltemeler joq. Olardı tawıp, joybarǵa járdem beriwiniz múmkin. |