Ashamaylı ruwı

Ashamaylı — qaraqalpaq ruwlarınıń biri. Qońırat arısınıń Shúllik toparına kiretuǵın qàwim-ruw. Ashamaylı 13 ruwdan quralǵan. XIX ásirdiń ortalarında ashamaylı qáwiminde 790 day xojalıq bolıp xanlıqqa hár jılı 260 qazıwshı beriwge tiyisli bolǵan.

Olardıń kózge kórinip, el basqarǵan — Áwez, Mergenbay, Jaqsılıq, Dosım, Seksenbay, Elgeldi, Tóremurat, Oraz, Sherim degen biyleri bolǵan.