Ayımxan Shamuratova
| Ayımxan Shamuratova | |
|---|---|
 | |
| Tuwılǵan sánesi | 10-iyun 1917 |
| Tuwılǵan jeri | Qońırat rayonı |
| Qaytıs bolǵan sánesi | 29-may 1993 (75 jasta) |
| Qaytıs bolǵan jeri | Nókis qalası |
| Ómirlik joldası | Ámet Shamuratov |
| Sıylıqları | «Qaraqalpaqstan xalıq artisti» (1940) «SSSR xalıq artisti» (1968) «Buyuk xizmatlari uchun» |
Ayımxan Shamuratova (Айымхан Шамуратова; 1917-jıl 10-iyun, Qońırat rayonı — 1993-jıl 29-may, Nókis) — qaraqalpaq aktrisası, qosıqshı, qaraqalpaq vokal kórkem-óneriniń iri wákillerinen biri (metssosoprano). Belgili shayır, jazıwshı, dramaturg, mámleketlik ǵayratker Ámet Shamuratovtıń ómirlik joldası.
Ómir jolı
[redaktorlaw | derekti redaktorlaw]1917-jılı Qońırat rayonında tuwılǵan. Ol 1932-jılı Tórtkúlge oqıwǵa kirip, bul jerdegi háweskerler dógeregine qatnastı. Ayımxan atqarǵan «Bozataw», «Arıwxan» hám basqa da xalıq qosıqları xalıqtıń qálbinen orın ala basladı. Belgili dramaturg Ábdiraman Ótepov tárepinen teatrǵa jumısqa shaqırıldı. Ol «Teńin tapqan qız», «Tabanlı tartıs», «Gúlsara» hám taǵı basqa spektakllerde bas qaharmanlardıń obrazın sheberlik penen atqarǵan.
Shańaraǵı
[redaktorlaw | derekti redaktorlaw]Ómirlik joldası: Ámet Shamuratov (1912-1953). Jeti perzenti bolǵan.
Jetiskenlikleri
[redaktorlaw | derekti redaktorlaw]Onıń miynetleri joqarı bahalanıp, 1940-jılı Qaraqalpaqstan xalıq artisti, 1968-jılı burınǵı awqam xalıq artisti húrmetli ataqların aldı. «Buyuk xizmatlari uchun» ordeni menen sıylıqlandı.