Azat Seytimbetov

Biografiyası:

Músinshi Azat Seytimbetov 1963- jılı Nókis qalasında tuwılǵan. Ol jaslayınan kórkem-ónerge ıqlas qoyǵan. Nókis qalasındaǵı muzıka mektebiniń súwretlew bóliminde tálim alıp , súӯret salıwdıń sırların úyrene basladı. Birinshi ustazı Jeńis Lepesov boldı. Onıń súwretlew ónerindegi tuńǵısh miynetleri, ideyası hám tereń mazmunı basqasha kózge taslana basladı. Ustazı Jeńis Lepesov óz shákirtiniń kishkene bolıwına qaramastan ayrıqsha talant ekenligin sezedi. Sonlıqtan keleshekte belgili músinshi bolıp jetilisiwi ushın bilimi hám tájiriybelerin jalıqpastan úyretip baradı. Kóp uzamay onıń shıǵarmaları kórgizbelerde jarıq kóre baslaydı. Onıń dáslepki jumısları «Ana hám bala» súwreti Yaponiya mámleketindegi kórgizbelerde qatnasıp kózge tústi. Azat Seytimbetov músinshi xudojnik onıń «Aral qosıǵı», «Qumar analıq», «Aralım ármanım meniń», «Birinshi perzent» sıyaqlı músinlik jumısları bar. Onıń dóretken shıǵarmalarımNókis, Tashkent, Moskva, Tokio hám basqada qalalarda kórgizbelerge qatnasıp úlken tásir qaldırdı. Azat Seytimbetov tastan hám aǵashtan kóplep músinler dóretken. Ol 1993-jıldan baslap Qaraqalpaqstan dóretiwshiler aӯqamınıń aǵzası bolǵan.