Blogerler chempionatı
Bloger sózi inglis tilinen alınǵan bolıp,"blog-yaǵnıy sayt júrgiziwshisi"mánisin ańlatadı.Ol júrgizetuǵın blogtı kishkene gazetaǵa uqsatıw múmkin,biraq bir waqıttıń ishinde hám avtor, hám redaktor sol adamnıń ózi boladı.Ol SMM,dizaynerlik,foto hám videolar montajshısı wáziypaların da atqarıwı múmkin.
2005-jıldan baslap 31-avgust "Xalıq aralıq blog kúni" sıpatında belgilenedi.Ózbekstanda bloggingdi jáne de rawajlandırıw maqsetinde 2014-jıldan berli "Blogerler chempionatı"ótkerilip kelinbekte.
Ózbekstan blogerler chempionatınıń nızamı:
1.Blogerler chempionatında internet tarmaǵında óziniń blog,veb-sayt, "Telegram"daǵı shaxsıy kanalı bolǵan,ózbek tilinde blog júrgiziwshi,respublikada yaki shet elde jasap atırǵan Ózbekstan puqaraları qatnasa aladı;
2.Qatnasıwshılar jası,milleti hám dinine qaramastan teń huquqqa iye;
3.Chempionatta qatnasıp atırǵan blogerdiń pikirleri shaxsıy xarakterge iye bolıp,onıń durıslıǵı ushın tek avtordıń ózi juwapker boladı;
4.Qatnasıwshılar tekst,audio,foto hám video kórinisindegi óz jumısların saytına jaylastırıwı kerek boladı.