Cingi-de-Bemaraxa
Cingi-de-Bemaraxa (fran. Tsingy de Bemaraha) — Madagaskardaǵı qatań tábiyiy qorıqxana. Adamzat tárepinen tiyilmegen tábiyattıń bir bólegi esaplanatuǵın bul jerler 152 mıń gektar maydanǵa iye.
Bemaraxa milliy baǵınıń bir bólegi. Ol 1927-jılda atawdıń batıs qırǵaǵında kem ushıraytuǵın karst landshaftların hám túrli-túrli lemurlar (ásirese, Avahi cleesei) hám indrilerdi qorǵaw ushın jaratılǵan.
1990-jılda YuNESKOnın' Jáhán miyrası obyektleri dizimine kirgizilgen.
Qorıqxana atı Madagaskardıń bir neshe jerlerinde jaylasqan cingi (malagasishe tsingy) landhsaftınıń hámde atawdıń batısındaǵı Bemaraha platosınıń atamaları birikpesinen kelip shıqqan.
Qorıqxana aymaǵında adam ayaǵı jetpegen tropikalıq japıraqlı toǵaylar, sonıń menen birge, kserofit ósimlikler - lalagúlliler, sobılıqlılar, iytzáhárliler hám sútshaylılar ósedi.