Cornell universiteti

Kornell universiteti — AQSHtaǵı iri hám kóp qániygelikli universitetlerden biri. Nyu-York shtatınıń Itaka qalasında jaylasqan. 1865-jılı tiykar salınǵan. Tiykarshısı — kvaker (xristian dini mazhabına tiyisli shaxs) E. Kornell atı menen atalǵan. Injenerlik, social hám tábiyiy pánler, arxitektorlıq, kórkem óner hám proektlestiriw, veterinariya, medicina, awıl xojalıǵı, ulıwma tálim hám ekologiya boyınsha kolledjler, huqıq, administrativlik -xojalıq, islep shıǵarıw hám de miynet múnásebetleri hám basqa boyınsha mektepler bar. Universitette 18 mińnan aslam student tálim aladı. Kitapxanasında 4, 5 mln.nan artıq dóretpe saqlanadı.