Erkindárya

Erkindárya — Qaraqalpaqstandaǵı dárya.Uzınlıǵı 105 km. Dawıtkól suw bazasınan 1 km batısta, Ámiwdáryadan baslanadı hám 30 km dawamında ózeninen suw aǵadı. Odan keyingi 4 km aralıqta qurǵaqlay ózen formasında. Suwǵarılatuǵın atızlardan maydan hám jer astı jolı menen taslanba suwdıń kelip túsiwi sebepli dáryanıń 34-42 km bóleginde dáryada taǵı suw aǵadı. Suwdıń suwǵarıwǵa sarıplanıwı , puwlanıw hám jertopıraqqa sorılıwı nátiyjesinde 42 km den qurǵaqlay ózen bolıp qaladı. Baslanıwınan 12-30 km aralıqta suwı, tiykarlanıp, suwǵarıwǵa sarplanadı. Aǵımınıń basında suwshanlıǵı Amudarya suwshanlıǵı menen baylanıslı bolıp, 50 m³/sek.ge shekem jetiwi múmkin.