Fenotip

Fenotip — organizmniń barlıq sırtqı belgileri hám ózgeshelikleri jıyındısı. F. genotip hám sırtqı ortalıq shárayatlarınıń óz-ara tásiri nátiyjesinde júzege shıǵadı. "Fenotip" terminin Daniyalı genetik V.Logansen usınıs etken (1903). Fenotipte barlıq genotipik múmkinshilikler ámelge asa bermeydi, sebebi bul process arnawlı bir shárayatta genotip kórinetuǵın bolıwınıń menshikli bir jaǵdayı esaplandı. Usınıń nátiyjesinde hátte bir máyekten rawajlanǵan, genotipi birdey bolǵan egizler hár qıylı shárayatta óskeninde olarda sezilerli fenotipik ayırmashılıqlardı baqlaw múmkin. Mikroevolyuciya processinde tábiyiy tańlanıw individlerdiń Fenotipi boyınsha baradı. Sol sebepli populyaciyalar ishinde shegarası genotip tárepinen belgilep beriletuǵın, keń reakciya normasına iye bolǵan individler, qatań genotip penen belgilenetuǵın, kerekli Fenotipke iye bolǵan individler saylanadı. Genotipik ózgeriwsheńlik gúzetilmegen jaǵdaylarda Fenotip boyınsha tańlaw nátiyje bermeydi. Buǵan V.Logansenniń sap liniyalarda ótkergen tańlaw tájiriybesi ayqın mısal boladı.

Derekler

ÓzME, Birinshi tom, Tashkent, 2000-jıl