Gemiler
Gemiler (qaraqalpaqsha «Kemeler») — ataqlı túrk qosıqshıları bolǵan Orhan Atasoy hám Teoman tárepinen atqarılǵan qosıq. Teoman tárepinen orınlanǵan qosıq versiyasınıń klipi Qaraqalpaqstannıń Moynaq rayonında jaylasqan «Kemeler qábristanı»nda súwretke alınǵan. Tiykarınan, rok jónelisinde qosıqlar aytatuǵın Teoman bul klipi arqalı Moynaqtıń jaqın tariyxı hám ekologiyalıq jaǵdayı menen baylanıslı processlerdi ashıp beriwdi maqset etkeni bólek táriyplenip ótiledi[1][2].
Tariyxı
[redaktorlaw | derekti redaktorlaw]Orhan Atasoy 1993-jıl orınlaǵan «Gemiler» qosıǵı ushın islengen klipi barlıq dáwirlerdiń eń jaqsı klipi retinde tán alınǵan. Qosıq sózleri Orhan Atasoyǵa tiyisli bolıp, oǵan Erkument Vural kompozitorlıq etken. Klip abıroylı xalıq aralıq muzıkalıq kanal — MTVde efirge berilgen. Klip házirde Túrkiya mádeniyatı tariyxında MTV kanalında tamashagóylerge usınılǵan dáslepki jergilikli klip bolıp esaplanadı[3]. Sonnan keyin qosıq Orhan Zerrin Ózer hám Teoman tárepinen de atqarılǵan[4].
1998-jılı Teoman tárepinen orınlanǵan qosıq klipi 1999-jıl iyul ayına kelip, Qaraqalpaqstannıń Moynaq rayonında jaylasqan «Kemeler qábristanı»nda súwretke alınǵan. Teoman tárepinen orınlanǵan «Gemiler» qosıǵı onıń «Ol» (túrkshe: «O») atlı albomınan orın alǵan eń ataqlı dóretiwshilik úlgilerinen biri esaplanadı. Sol sebepli uzaq waqıt dawamında «Gemiler» qosıǵı Teomanǵa tiyisli ekenligi aytılıp kelinedi[5].
Derekler
[redaktorlaw | derekti redaktorlaw]- ↑ «Instagram». www.instagram.com. Qaraldı: 2023-jıl 14-dekabr.
- ↑ «Türk Pop Müziğinin Cover'lara Doymayan İkonik Şarkısı Gemiler'in Hikayesi» (tr). Ekşi Şeyler. Qaraldı: 2023-jıl 14-dekabr.
- ↑ «ORHAN ATASOY’UN «GEMİLER» KLİBİ ÜZERİNE – SanatlaYaşamak» (tr) (2022-jıl 14-may). Qaraldı: 2023-jıl 14-dekabr.
- ↑ «'Sen geçerken sahilden sessizce...'» (tr). www.ntv.com.tr. Qaraldı: 2023-jıl 14-dekabr.
- ↑ «7 Maddede Asit Orhan Lakaplı Moğollar'ın Efsanevi Gitaristi Orhan Atasoy'u Tanıyalım» (tr). Onedio. Qaraldı: 2023-jıl 14-dekabr.