Ibrahim Boubacar Keïta

Ibrahim Boubacar Keïta
francuzsha Ibrahim Boubacar Keïta
6-Mali Prezidenti   Ataq dáwiri 2013-jıl 4-sentyabr — 2020-jıl 19-avgust Húkimet baslıǵı Umar Li, Musa Mara, Modibo Keita, Abdulaye Idrissa Mayga, Sumeilu Bubeye Mayga Bubu Sisse Zamanlası Dionkunda Traore Miyrasxorı Assimi Goita (Xalıqtı qutqarıw milliy komiteti baslıǵı)  5-Mali Milliy Assambleyası baslıǵı   Ataq dáwiri 2002-jıl 16-sentyabr — 2007-jıl 3-sentyabr Zamanlası Ali Nuxum Diallo Miyrasxorı Dionkunda Traore  7-Mali Bas ministri   Ataq dáwiri 1994-jıl 4-fevral — 2000-jıl 15-fevral Zamanlası Abdullah Seku Su Miyrasxorı Mande Sidibe
Jeke maǵlıwmatları
Tuwılıwı	29-yanvar 1945-jıl Kutiala, Franciya Sudani
Ólimi	16-yanvar 2022-jıl(2022-01-16) (76 jasında) Bamako, Mali
Siyasıy partiyası	Malidegi Demokratiya ushın Alyans (1990-2001) Mali ushın awqam (2001-jıldan beri)
Ómirlik joldası	Keïta Aminata Maiga
Maǵlıwmatı	Dakar universiteti, Parij 1 Panteon-Sorbonna universiteti
Sıylıqları

Ibrahim Boubacar Keïta (Francuzsha: [ibʁa.im bubakaʁ ke.ita]; 29-yanvar 1945-jıl — 16-yanvar 2022-jıl) — Mali mámleket ǵayratkeri hám siyasatshısı, Mali Bas ministri (1994-2000), Mali Milliy Assambleyası baslıǵı (2002-2007), Mali prezidenti (2013-jıl 4-sentyabrden 2020-jıl 19-avgustqa shekem).

Ómiri

Ibrahim Boubacar Keïta 1945-jıl 29-yanvarda Franciya Sudanında (házirgi Mali) tuwılǵan. Parijdegi liceydi tamamlaǵannan soń, Bamakoda oqıǵan, keyininen Senegal paytaxtı Dakarda, keyin bolsa Parijde oqıdı. Ol siyasattanıw hám tariyx professorı esaplanadı.

Dáslep, ol Malide rawajlanıw fondında (EEC) islegen. Mali, Nigeriya hám Burkina-Fasoda jámiyetlik shólkemleri menen sheriklik etilgen.

1990-jılda ol ADEMA-PASJ jergilikli socialistlik partiyasınıń aǵzası boldı (Malidegi Demokratiya ushın Alyans — Azatlıq, birlik hám ádalat ushın Pan-Afrika partiyası) hám prezidentlikke kandidat Alfa Umar Konarenıń saylaw aldı shtabın basqardı. Konare prezident etip saylanǵannan soń, kóp ótpey 1994-jılda Keïtanı húkimet baslıǵı etip tayınlaydı. Sol jılı Keïta partiyanıń basshısı boladı hám 1999-jılǵa shekem bul lawazımdı iyeleydi. Sol-jıldıń 15-fevralında Malide Bas ministr almastırıldı. Keyingi jılı Ibrahim Boubacar Keïta Mali Socialistlik partiyasınan shıǵıp ketedi. Ol jańa bir partiya — Mali ushın Awqam shólkemlestiredi hám oǵan basshılıq etedi.

2002-jıl 16-sentyabrde Keïta Mali parlamenti spikeri etip saylanadı. Ol bul lawazımda derlik bes jıl dawamında 2007-jıl 3-sentyabrge shekem islegen.

Ol 16-yanvar 2022-jılda 76 jasında dúnyadan ótti.