Iskander Xisamov
| Iskander Xisamov | |
|---|---|
| Tuwılǵan sánesi | 23-iyul 1957-jılı (68 jasta) |
| Tuwılǵan jeri | Tashkent, Ózbekstan |
| Puqaralıǵı |  SSRA |
| Kásibi | jurnalist • sıyasatshı |
| Qostarı | Svetlana Xisamova |
| Perzentleri | Zarina (1980), Dilyara (1985), Amina (2011), Nina (2014) |
Iskander Aminovich Xisamov (1957-jıl 23-iyul, Tashkent) — rossiyalı telebaslawshı, jurnalist hám siyasatshı[1].
Turmısı
[redaktorlaw | derekti redaktorlaw]Iskander Xisamov 1957-jıl 23-iyulda Tashkentte tuwılǵan. 1978-jılı Tashkent mámleketlik universiteti (ToshDU)dıń jurnalistika fakultetin tamamlaǵan.
Xisamov 1978–1981-jıllarda Samarqand wálayatı «Leninskiy put» gazetasında xabarshı bolıp islegen. 1981-jıldan 1984-jılǵa shekem Tashkenttiń «Pravda vostoka» gazetası juwapker xatkeriniń orınbasarı. 1984-jıldan 1990-jılǵa shekem Ózbekstan SSR TASS respublika bóliminde bas redaktor. 1989-jılda SSSR xalıq deputatlarınıń birinshi qurıltaylarında TASSnıń parlament xabarshısı bolıp islegen.
1990-1991-jıllarda «Pravda vostoka» gazetasında bólim basqarıwshısı. 1991-jılda Moskva baspalarında «Izvestiya», «Literaturnaya gazeta», «Trud» gazetalarında iskerlik alıp barǵan. Ol Ózbekstannan túrk-mesxetiyalılardı genocid etiw hám deportaciya qılıw, respublika administraciyası tárepinen avgust awdarıspaǵın qollap-quwwatlaw, hayallardı óz-ózin qosıw mashqalasına arnalǵan sın kózqarastan maqalalardı baspadan shıǵarǵan. Sonnan keyin, Ózbekstan Kompartiyası Oraylıq Komiteti birinshi xatkeri Islam Karimovtıń jeke buyrıǵı menen «Pravda vostoka» gazetasınan jumıstan bosatılǵan. Keyin Ózbekstannan ketiwge májbúr boladı.
1992-1993-jıllarda Rossiyadnń «Megapolis» hám «Siti N» baspalarında jurnalist bolıp islegen. 1993-jıldan 1998-jılǵa shekem «Bronnitskiy News-Televiziya» informacion-mádeniy orayı direktorı (Moskva wálayatı). 1998-jıldan siyasat bólimi baslıǵı, 2000-jıldan 2004-jılǵa shekem Rossiyanıń «Ekspert» jurnalı bas redaktorı orınbasarı[2]. Sonday-aq birge, 1999-2000-jıllarda Vladimir Poznerdıń analitikalıq teledástúrleri bas redaktorı bolıp islegen.
2004-jılda «Ekspert-Ukraina» jurnalın járiyalawdı shólkemlestirip[2][3], onda 2009 -jılǵa shekem basshılıq etedi[2]. 2009-2010-jıllarda prezidentlik saylawlarında Sergey Tigipko shtabında ekspertler toparın basqarǵan. 2010-jılda «Ekspert keńesi» analitik orayın, «Reformalar klubı»[4] Ulıwma Ukraina jámiyetlik shólkemin shólkemlestirip, oǵan basshılıq etken. Keyin, onıń prezidenti etip saylanadı. Klub Ukrainadaǵı reformalar hám mámleketti modernizaciya etiwden mápdar bolǵan orta biznes wákillerin birlestiredi.
Ómirlik joldası
[redaktorlaw | derekti redaktorlaw]Ómir joldası: Svetlana Valeryevna Xisamova (1983-jılı tuwılǵan), jurnalist.
Perzentleri: Zarina (1980-jılı tuwılǵan), Dilyara (1985-jılı tuwılǵan), Amina (2011-jılı tuwılǵan), Nina (2014-jılı tuwılǵan).
Derekler
[redaktorlaw | derekti redaktorlaw]- ↑ com. ua/dossier/20140520/349677031. html Iskander Xisamov. Spravka| RIA Novosti Ukraina
- 1 2 3 ru/dossier/author/1049/ «Iskander Xisamov»(deadlink). 17-mart 2015-jılda túp nusqadan archive. org/web/20150317214202/http://expert. ru/dossier/author/1049/ arxivlendi. Qaraldı: 12-mart 2015-jıl.
- ↑ expert. ua/ «Delovoy analiticheskiy ukrainskiy jurnal : Ekspert Ukraina»(deadlink). 1-oktyabr 2017-jılda túp nusqadan archive. org/web/20171011045232/http://www. expert. ua/ arxivlendi. Qaraldı: 8-may 2015-jıl.
- ↑ reformclub. org. ua/ «Reformatorskiy klub : Sayt obshestvennoy organizatsii». 18-may 2015-jılda túp nusqadan archive. org/web/20150518073141/http://www. reformclub. org. ua/ arxivlendi.