Jantemir iyshan zıyarat ornı

Jantemir iyshan zıyarat ornı — Qaraqalpaqstan Respublikasınıń dıqqatqa ılayıq ziyarat orınlarınan biri bolıp, „Hákim ata“ APJ aymaǵında jaylasqan, ol XVIII-XIX ásirlerge tiyisli zıyarat orınlarınan biri bolıp tabıladı. Bul muqaddes orınǵa zıyarat ushın, tiykarınan, mashina aydawshıları kelip, zıyarat qıladı. Sebebi, Jantemir iyshan ózi temirshi usta bolıp, jaqın aymaqtaǵı járdemge mútáj xalıqqa qolınan kelgenshe járdemin ayamaǵan. Aydawshılardıń aytıwına qaraǵanda, bul jerden ótkende zıyarat qılıp ótpese, qandayda bir jamanlıqqa jolıǵadı ekenseń. Jantemir iyshan ózi saqıy hám ashıqkewil insan bolǵanlıǵı aytıladı.