Jony
| JONY | |
|---|---|
 | |
| Ulıwmalıq maǵlıwmatlar | |
| Tuwılıwı |
1996-jıl 29-fevral Ázerbayjan,Baku |
| Ólimi | |
| Puqaralıǵı |
 Rossiya |
| Kásibi | Qosıqshı, muzıkashı |
| Ómirlik joldası | |
| Janr | Pop muzıka, R&B, pop-rok |
| Sayt | https://jony-music.com/ |
JONY (haqıyqıy atı – ázerbayjansha: Cahid Əfrail oğlu Hüseynli ; 1996 -jıl 29-fevral, Baku, Ázerbayjan) – rus qosıqshısı hám qosıqlar avtorı. NTV kanalındaǵı " Niqap " kórsetiwiniń ekinshi máwsimi (2021) jeńimpazı.
Ómirbayanı[redaktorlaw | derekti jańalaw]
Erte dáwir[redaktorlaw | derekti jańalaw]
Jony 1996-jıl 29-fevralda Bakuda tuwılǵan. Milleti boyınsha – ázerbayjan[1][2]. 4 jasında ol shańaraǵı menen Moskvaǵa kóship ótti. 6 jasında ol Novokosinodaǵı 1925-jılǵı gimnaziyaǵa bardı. Birinshi klasta ol mektep xorında qosıq aytıwdı basladı hám óz vokalları menen oqıtıwshılardı hayran qaldırdı hám toǵızınshı klasta bolajaq qosıqshı óz ómirin muzıka menen baylanıstırmaqshı ekenligin túsindi.
Biraq Jonydiń ákesi balasınıń ızınen barıp, isbilermen bolıwın qálegeni ushın onıń bul sheshimin qollap -quwatlamadı. Usınıń sebebinen, Jony mektepti tamamlaǵannan keyin, Mámleketlik menejment universitetiniń Xalıqaralıq biznes fakultetine oqıwǵa kirdi. Tuwrı, qosıqshınıń óz sózlerine kóre, Jony universitette qızıǵıwshılıqsız oqıǵan.
Magistraturanı tamamlaǵannan keyin, Jony keyingi ómirin professional tárizde muzıka baǵdarında dawam ettiriwdi qálep atırǵanın túsindi hám atasınan ózin bul jóneliste sınap kóriw imkaniyatın beriwin soradı [3][4] :
" Ákemnen ózim jaqsı kórgen zatta óz kúshimdi sınap kóriw múmkinshiligin beriwin soraǵanımda 22 jasta edim. Kárxana direktorı bolǵan akemniń qolında islew eń ańsat jolı bolsa da, ol maǵan tuwrı kelmedi, ármanlarımdı qandırmadı. Men tek bir waqıttıń ózinde qosıp qoydım, eger geypara zat maǵan uyqas kelmese, men qaytıp kelip, aqmaq ekenligimdi tán alaman. Biraq kewilim túbinde ákemniń aldına bas iyip kelip, jeńiliwimdi tán ala almaslıǵımdı biletuǵın edim -bunnan keyin men qanday adamman?
Muzıkalıq karyeranıń baslanıwı[redaktorlaw | derekti jańalaw]
Jony universitette oqıp júrgen gezlerinde de ataqlı qosıqlardıń túrli kaverlerin jazıp alıp, Instagramdaǵı profilinde daǵaza ete baslaǵan. Kóp ótpey Elman Zeynalov (Elman) jas qosıqshını tanıp qaldı. Elman Zeynalov Jonydı RAAVA Music muzıkalıq leybliǵa usınıs etti.
Jony óz qosıqları ústinde isley basladı hám birqansha waqıt ótkennen, bes qosıq shıǵardı - „Bos stakan“, „Frendzona“, „Zvezda“, „Alleya“ hám „Bez tebya ya ne ya“ (HammAli & Sortai menen birgelikte). „Alleya“ qosıǵı ushın súwretke alınǵan video Youtubeta 100 millionnan artıq kórildi hám Jonyǵa internetten sırtta ataq keltirdi[5].
2019-jıl 19-sentyabr sánesinde qosıqshı óziniń „Kometa“[6] qosıǵın shıǵardı, ol tez arada Apple Music[7][8] shártinde birinshi orındı iyeledi hám qosıqshınıń „qońıraw kartası“na aylandı.
2020-jılda „Nebesnie rozi“ albomı shıqtı. Tórt kompozitsiya eń tabıslı boldı: „Ti besposhadna“, „Mir soshyol s uma“, „Ti pari“ hám „Za oknom dojdi“.
2021-jılda ol RAAVA Musicti taslap ketti hám jeke karyerasın dawam ettiriwge qarar qıldı[9]. Házirgi kúnde JONY Atlantic Records Russiada islemekte.
Albom 2022-jıl 2-dekabrde shıǵarılǵan „Ne Ishite Vo Mne Janri“ 15 kompozitsiyanı óz ishine alǵan, olardan besewi – HammAli Navai, ANNA ASTI, TLK hám Erika Lundmoen siyaqlı artistler menen qospa trekler. Albomda xitler de bar „Titri“, „Nikak“.
JONY laqabı qayerden kelip shıǵıwı[redaktorlaw | derekti jańalaw]
Balalıǵında Jonyǵa " Jony Bravo „ multfilmi júdá jaǵatuǵın edi, sol sebepli anası onı házillesip Jony dep atay basladı. Keyinirek qosıqshı mektepte klaslasları onıń atın esley almay qalǵanda ózin sonday tanıstıra basladı [10].
“Jony" degen atqa úyrenip qalǵanman, hátte anam da úsh jasımnan beri sonday shaqıradı. Azerbayjanda tek atam hám kempir apam meni atım menen shaqıradı. Ata-ana, doslar, aǵayınlar kóbinese „Jony“, yamasa „Jo“ dep shaqıradı.
Derekler[redaktorlaw | derekti jańalaw]
- ↑ „Биография певца Джони (Jony)“ (ru). Рамблер/новости. 5-iyun 2021-jılda túp nusqadan arxivlendi.
- ↑ „Азербайджанцы из России выступили против агрессии Армении“ (ru). Trend.az. 5-iyun 2021-jılda túp nusqadan arxivlendi.
- ↑ „Jony — Digital-журнал The Mood“ (ru). 16-aprel 2021-jılda túp nusqadan arxivlendi.
- ↑ „JONY - О девушках, концертах и деньгах. Большое интервью“. 5-iyun 2021-jılda túp nusqadan arxivlendi.
- ↑ „JONY - Аллея“. 12-iyul 2021-jılda túp nusqadan arxivlendi.
- ↑ „Слушаем свежий сингл JONY – «Комета» • ТНТ MUSIC — Здесь твоя музыка“ (ru). tntmusic.ru. 1-mart 2021-jılda túp nusqadan arxivlendi.
- ↑ „Музыкальные чарты за 39 неделю: лидируют Jony, Zivert, Post Malone, Noize MC и другие“. www.intermedia.ru (3-oktyabr 2019-jıl). 5-iyun 2021-jılda túp nusqadan arxivlendi.
- ↑ „JONY: «Я рыдал, когда писал песню «Аллея» • ТНТ MUSIC — Здесь твоя музыка“ (ru). tntmusic.ru. 5-iyun 2021-jılda túp nusqadan arxivlendi.
- ↑ „JONY ушёл с лейбла Raava Music“. 5-noyabr 2021-jılda túp nusqadan arxivlendi.
- ↑ „вМесте - JONY“. 5-iyun 2021-jılda túp nusqadan arxivlendi.