Mırzagúl Sapaeva

Mırzagúl Sapaeva
Mırzagúl Jumanazarovna Sapaeva
Tuwılǵan sánesi	13-fevral 1962(1962-02-13) (64 jasta)
Tuwılǵan jeri	Qaraqalpaqstan
Puqaralıǵı	Ózbekstan
Milleti	qaraqalpaq
Kásibi	aktrisa, qosıqshı (vokal artisti)
Oqıǵan jeri	Tashkent mámleketlik teatr hám súwretshilik kórkem óneri institutı
Iskerlik jılları	1985–házirgi waqıt
Sıylıqları	Ózbekstan xalıq artisti Qaraqalpaqstan xalıq artisti Ózbekstanǵa xızmet kórsetken artist

Mırzagúl Jumanazarovna Sapaeva (Мырзагүл Сапаева; 1962-jıl 25-iyul) — qaraqalpaq teatr hám kino aktrisası, vokal artisti. Ózbekstan (2000) hám Qaraqalpaqstan xalıq artisti.

Ómiri hám bilimi

Mırzagúl Sapaeva 1962-jılı 25-iyulda tuwılǵan. Ol 1985-jılı Ostrovskiy atındaǵı Tashkent mámleketlik teatr hám súwretshilik kórkem óneri institutın (házirgi Ózbekstan mámleketlik kórkem óner hám mádeniyat institutı) «muzıkalı teatr aktyorı» qánigeligi boyınsha tamamlaǵan.

Iskerligi

Aktrisa óziniń kásiplik iskerligin 1985-jıl 8-avgusttan baslap Berdaq atındaǵı Qaraqalpaq mámleketlik muzıkalı teatrında vokal artisti sıpatında basladı hám házirgi kúnde de usı teatrda jemisli miynet etip kelmekte.

M. Sapaeva qaraqalpaq kinosınıń rawajlanıwına da óz úlesin qosqan. Ol rejissyor Töreniyaz Qalimbetovtıń «Tanka» hám Bektilew Nizamatdinovtıń «Kurort» kórkem filmlerinde tiykarǵı rollerdi (Shaxsánem) atqarǵan

Ataqları hám sıylıqları

Aktrisanıń kórkem óner tarawındaǵı kóp jıllıq miynetleri joqarı bahalanǵan:

• 1987 — Qaraqalpaqstan Respublikasında xızmet kórsetken artist;
• 1993 — Ózbekstan Respublikasında xızmet kórsetken artist;
• 1994 — Túrkmenstan Respublikasında xızmet kórsetken artist;
• 2000 — Ózbekstan xalıq artisti.