Malay arxipelagı
Malay arxipelagı (indo. Kepulauan Melayu, inglisshe Malay Archipelago) — dúnyadaǵı eń úlken arxipelag. Qubla-shıǵıs Aziya (Hindiqıtay) hám Avstraliya aralıǵında jaylasqan hám júdá keń aymaqqa tarqalǵan atawlar toparı. Malayziya atawları kóbinese Shıǵıs Hindstan atawları mánisinde de qollanıladı. Sonday-aq, Shıǵıs Hindistan atawları túsinigi tariyxıy jaqtan keńirek aymaqtı óz ishine aladı.
Hind hám Tınısh okeanlarında jaylasqan arxipelaglarda 20 000 ǵa jaqın ataw hám atawlar bar. Malayziya atawları dúnyadaǵı eń keń aymaqqa tarqalǵan atawlar bolıp esaplanadı. Bul atawlar Indoneziya, Filippin, Singapur, Bruney, Malayziya mámleketlerinen Saravak hám Sabah, Labuan federal okrugı, Shıǵıs Timor hám Papua-Jana Gvineya aymaǵınıń bir bólegin yamasa pútkil bólegin óz ishine aladı. Papua-Jana Gvineya Aziyada jaylaspaǵanlıǵı hám basqa mámleketlerden mádeniy ózgeshelikleri sebepli Malayziya atawları táriypine kirgiziliwi máselesi tartıslı bolıp esaplanadı.
