Michael Scofield
 | |
| Tuwılǵan sánesi | 8-oktyabr 1974 (51 jasta) |
|---|---|
Michael Scofield (qaraqalpaqsha Maykl Skofild) — Prison Break serialınıń oydan shıǵarılǵan baslı qaharmanı.
Qaharmandı Ventvort Miller janlandıradı. Ol birinshi ret serialdıń birinshi epizodında ájaǵası Linkoln Berrouz (Dominik Pursell) otırǵan túrmege kiriw ushın bankti tonaw waqtında payda boladı. Aldaǵı waqıyalar Maykldıń Linkolndi ólim jazasınan qutqarıw ushın qashıw rejesin kórsetedi. Maykl menen Linkoln serialdıń barlıq bóliminde jaratılǵan.
Rawajlanıw
[redaktorlaw | derekti redaktorlaw]«Prison Break» serialınıń personajı Paul Scheuring tárepinen, basqa bir prodyucerden kelgen, birewlerdi qutqarıw ushın ádeyi túrmege túsken adam haqqındaǵı ideyasın rawajlandırıwdıń nátiyjesinde jaratıldı. Scheuring birinshi usınıstan keyin personajdı hám waqıyanı, túrme jobasına kirisi bar arxitekturalıq firmada isleytuǵın qurılıs injeneri etip tiykarladı. Bul at birinshi ret Roald Dahldiń «Someone Like You» qısqa gúrrińler toplamında Michael Scofield sıpatında paydalanılǵan[1].
Miller bılay dedi: «Birinshi máwsimde basımnan keshirgen qıyınshılıqtıń bir bólegi, úmit etemen, qızıqlı bir personaj jaratıw edi. Biraq sonıń menen birge, kórsetiwge bolmaytuǵın sonshelli kóp nárse bar edi, sebebi Abruzzi yamasa T-Bag yamasa Bellicktiń janında turǵanda, qorǵawsız bolıwǵa, hátteki, kúliwge de batına almaytıǵın edim». Miller ekinshi máwsimde personajdıń keńirek sezimler diapazonına iye bolatuǵının bılay túsindiredi: «Ashıǵıraq, reńli tonarı boladı... Michaeldiń basqalarǵa kórsetpeytuǵın táreplerin kórsetiwge tayın dep oylaǵan tuwısqanı menen birge bolǵanı ushın, izertleytuǵın kóbirek nárseler bar.
Tatirovka
[redaktorlaw | derekti redaktorlaw]Michael Scofieldtıń pútkilley denesine túsken tatirovka birinshi sezonda tiykarǵı túrde orın aladı. Qamaqxana jobaları hám túrmeden, hám mámleketten qashıw jobasınıń túrli tárepleri menen birge waqıyalardıń tiykarǵı ózegi bolıp tabıladı.
Tom Berg tárepinen dizaynlanǵan hám Tinsley Transfers tárepinen jaratılǵan tatirovkanı Millerge qoyıw shama menen bes saat dawam etedi. Tatirovkanı tolıq kórsetiw kerek bolmaǵan waqıtta, mısalı, aktyor futbolka kiygen saxnalarda, tatirovkanıń tek aldınǵı qol bólimleri ǵana qoyıldı. Wentworth Miller intervyularda tatirovka haqqında kóp sorawlar berilgenin ayttı.
Balalıq ómiri
[redaktorlaw | derekti redaktorlaw]Ol 1978-jılı 8-sentyabrde Ogayo shtatınıń Toledo qalasında[2] ákesi olardı taslap ketkennen keyin dúnyaǵa kelgen. Maykl Skofild anasınıń nekege shekemgi familiyasın[3] paydalanadı. Anası qaytıs bolǵannan keyin Linkoln onı qorǵawına aldı. Shańaraǵın joǵaltqannan keyin Linkoln Maykldı kóge ómirinen awlaq uslawǵa tırıstı. Ayırım tarawlar Linkoln menen Maykldıń qarım-qatnasın kórsetedi. Bul Maykldıń Linkolndi ólim jazasınan qutqarǵısı kelgen sebepleriniń biri. Maykl Ogayo shtatınıń Toledo qalasındaǵı «Morton Shıǵıs orta mektebin» jaqsı bahalar menen pitkergen student boldı. Ol Chikagodaǵı Loyola universitetinde qurılıs injeneri qánigeligi boyınsha Magna Cum Laude stipendiyası menen oqıdı. Ol Chikagodaǵı Middltaundaǵı Maksvell jáne Shaum firmasında injener bolıp jumısqa ornalastı.
Sırtqı kórinisi
[redaktorlaw | derekti redaktorlaw]Aǵalı-ininiń, ásirese Maykl Skofildtiń Foks River shtatqamaqxanasınan qashıw tuwralı syujeti jáne qashqannan keyin olardıń júrip ótken jolı «Túrmeden qashıw» máwsiminiń baslı teması. Bas qaharman Maykl Skofild serialdıń barlıq epizodlarında kórinedi. Maykl menen Linkoln — serialdıń bas qaharmanları, Maykl Linkolnge qaraǵanda kóbirek kórinedі, ásirese birinshi máwsimde. Dilan Minett «Inglizshe, Fic yamasa Persi», «Ájaǵanıń qorǵawshısı», «Ajıratıw» jáne «Óltiretuǵın yashik» epizodlarında jas Maykldı oynaydı, onda onıń ótken waqıyaları kórsetiledi.
Derekler
[redaktorlaw | derekti redaktorlaw]- ↑ «Inside Prison Break: Chain male» (en). The Sydney Morning Herald. 30-iyul 2018-jılda túp nusqadan arxivlendi. Qaraldı: 25-may 2024-jıl.
- ↑ Hapishaneye girerken Bellick'in tuttuğu formdaPilot, Prison Break Sezon 1 Bölüm 1.
- ↑ Paul Adelstein (Paul Kellerman)'nın konuşması, "Cute Poison", Prison Break Sezon 1 Bölüm 4.
 | Bul maqala shala. Siz onı bayıtıp, joybarǵa járdem beriwińiz múmkin. Bul shala maqala haqqında ulıwma úlgi bolıp, ilajı bolsa ol jáne de anıqlaw úlgige almastırılıwı kerek. |