Moynaq aeroportı
Moynaq aeroportı – Qaraqalpaqstannıń Moynaq rayonında jaylasqan burınǵı aeroport. Ol jeńil samolyotlar, bárshe túrdegi vertolyotlardıń rezerv maydanı bolıp, aviatsiya isleri ushın paydalanıladı. Ózbekstannıń arqa-batıs bóleginde, Qaraqalpaqstan Respublikasındaǵı tap sol atttaǵı qala aeroportı. Mámlekettiń eń arqa aeroportı[1]. 1947-jılda qurılǵan.
Tariyxı
[redaktorlaw | derekti redaktorlaw]Sovet dáwirinde Moynaq aerodromı 3-dárejeli bolıp, An-24, Yak-40 hám jeńillew samolyotlardı, sonıń menen birge, barlıq túrdegi vertolyotlardı qabıllawǵa maslasqan edi. Ushıw-qonıw ótiw jolınıń ólshemleri 1500x40 m edi.
1960-jıllardan 1990-jıllardıń baslarına shekem aerodromda An-2 samolyotınıń ushıwı ámelge asırılǵan, jergilikli hawa baǵdarlarında (atap aytqanda, Qońırat, Nókis, Úrgenish, Taxtakópir, Qazaqdárya, Aspantay, Tuley punktlerine) kúnine 19ǵa shekem jolawshı reysleri ámelge asırılǵan.
1990-jıllardan baslap ol hawa jumısları ushın (atap aytqanda, qubla Aral boyında shekshek tarqalıwına qarsı agroximiyalıq ilajlar ushın ) qonıw jeri retinde paydalanılǵan.
Házirgi jaǵdayı
[redaktorlaw | derekti redaktorlaw]2019 -jılda aeroporttı rekonstrukciya qılıwdı baslaw ushın húkimet sheshimi shıqtı. Onıń mánisi 300 milliard swmǵa bahalanǵan.
Jańa aeroport birinshi sınaq ushıwın 2020-jıl avgust ayında qabılladı. Fevral ayında Ózbekstan Prezidentiniń samolyotı birinshi ret aeroportqa kelgen edi. Keyin Shavkat Mirziyoyev Nókis - Moynaq -Tashkent baǵdarında hawa reysi ashılǵanın xabarladı.
Ushıw-qonıw ótiw jolı rekonstrukciya etildi, onıń ólshemi 2300x60 m ge shekem úlkenlestirildi. Bul bolsa zamanagóy jolawshı samolyotların jaylastırıw imkaniyatın berdi. Jańa aeroport terminalı qurıldı.
2020-jıl 26-avgust kúni A320 samolyotında Tashkent - Moynaq baǵdarı boyınsha sınaq jolawshı reysi ámelge asırıldı[2].
2022-jıl 23-fevral kúni Moynaq aeroportı birinshi ret Ózbekstan Prezidentiniń «1-sanlı hawa kúshleri»n qabılladı[3][4][5].
2022-jıl 27-mart kúni «Ózbekstan hawa jolları» Milliy aviakompaniyası Tashkent - Nókis - Moynaq baǵdarında sınaq reysini ámelge asırdı[6].
«Ózbekstan hawa jolları» Milliy aviakompaniyası 2022-jıl 12-sentyabrden Nókis - Moynaq - Tashkent baǵdarı boyınsha úzliksiz reysti jolǵa qoyıwın xabarladı. Ushıwlar dúyshembi kúnleri ámelge asırılǵan[7].
Derekler
[redaktorlaw | derekti redaktorlaw]- ↑ "Новый аэропорт Муйнака принял пробный рейс". Газета.uz. 2020-08-26. https://www.gazeta.uz/ru/2020/08/26/muynak/.
- ↑ "Мўйноқда қиймати 300 миллиард сўмлик янги аэропортнинг қурилиш-таъмирлаш ишлари якунига етмоқда" (in uz). ЎзА. 2020-08-26. https://uza.uz/posts/217030.
- ↑ «Президент побеседовал с муйнакцами». Официальный веб-сайт Президента Республики Узбекистан (23-fevral 2022-jıl). 10-iyul 2022-jılda túp nusqadan arxivlendi. Qaraldı: 10-iyul 2022-jıl.
- ↑ "Президент предложил организовать авиарейсы из Ташкента в Муйнак". Spot.uz. 2022-02-23. https://www.spot.uz/ru/2022/02/23/muynak/.
- ↑ "Аэропорт Муйнака впервые принял борт президента Узбекистана". Regnum. 2022-02-24. https://regnum.ru/news/it/3516089.html.
- ↑ «Узбекские авиалинии выполнили рейс из Ташкента в Муйнак». 7-may 2023-jılda túp nusqadan arxivlendi. Qaraldı: 7-may 2023-jıl.
- ↑ «Запускается авиарейс «Нукус-Муйнак-Ташкент»». 7-may 2023-jılda túp nusqadan arxivlendi. Qaraldı: 7-may 2023-jıl.
| ||||||||||||||
| ||||||||||||||
 | Aeroportqa tiyisli bul maqala shala. Siz onı bayıtıp, joybarǵa járdem beriwińiz múmkin. |