Nagasaki

Nagasaki — Yaponiya daǵı qala, Kyusyu o. dıń batısında, Nagasaki qoltıǵı qırǵaǵında jaylasqan. Nagasaki prefekturasınıń basqarıw orayı. Xalqı 423, 2 mıń adam (2000). Iri port. Yaponiyanıń jan. suwlarındaǵı balıq awlaw bazası. Kemesazlıq hám keme remontlawdıń iri orayı. Mashinasazlıq, azıq-awqat, metallurgiya, toqımashılıq, neft ximiyası, aǵash tiliw sanaatları rawajlanǵan. Universitet, sawda -sanaat muzeyi, qáddi. kórkem óner hám basqa muzeyler bar. Qala 12-ásirden málim. 16 - 17-ásirlerde N. de portugallar faktoriyası bolǵan. Ekinshi jáhán urısı aqırında, 1945-jıl 9 -avgustda qalaǵa taslanǵan atom bombası nátiyjesinde qalanıń kóp bólegi wayran bolǵan, 75 mıńnan aslam kisi qaytıs bolǵan hám jaralanǵan. N. erkin reje tiykarında qurılǵan. Arxitekturalıq esteliklerinen 16 -19 -ásirlerde qurılǵan Suva ibadatxanası, budda ibadatxanaları ansambllerı, kópirler, katolikler shirkewleri saqlanǵan. 1945-jıl 9 -avgustdaǵı wayranshılıqlardan keyin qayta qurılǵan ımaratlar qatarında Tınıshlıq baǵı (xalıq aralıq mádeniyat orayı jayı menen) hám monumenti qurılǵan.

Nagasaki — Yaponiyadaǵı qala, Kyusyu aralı batısında, Nagasaki qoltıǵında jaylasqann.. Nagasaki Prefekturasi basqariw orayi .

Xalqi - 447,4 miń adam (2004).

Nagasaki 1945 jıl 9-avgust kúni AQShtıńń Yaponiya ǵa qarsı shólkemlestirgen ekinshi yadrolıq hújim nıshanı bolǵan : Amerika bombalawshı samolyotları tárepinen " Semiz" bombası taslanǵan jáne bul hújim ólimge alıp keletuǵın nátiyjeler hám mńlaǵan insanlardıń ǵalabalıq qaytıs bolıwına alıp kelgen.

Házirgi kúnde Nagasaki - iri sawda hám jolawshı portı, Yaponiyanıń qubla suwlarındaǵı balıqshılıq bazası. Iri keme qurıw hám remontlaw orayı (suw sıyımlılıǵı 300-500 mıń tonna bolǵan kemeler tayarlanadı ). Mashinasazlıq penen bir qatarda azıq-awqat (sonıń menen birge balıq konservalaw), metallurgiya, jeńil sanaat, nefteximiya, toǵayshılıq sanaatları da rawajlanǵan.