Nurımtúbek buyırtpası
Qaraqalpaqstannıń arqa zonasında 1971-jılı Quwanısh jarma kanalınıń orta bóliminde shólkemlestirilgen. Ulıwma iyelep jatqan maydanı 29000 gektar. Bul jerde qorıqqa alınǵan ósimliklerden torańǵıl, jiyde, jantaq, boyan, haywanlardan jabayı shoshqa, porsıq qırǵawıl, shaǵal, qamıs pıshıǵı, Ámiwdárya qırǵawılı ushıraydı.
Keyingi jıllarda úlkemizdiń tábiyatın qorǵaw, onıń qoraların tiklew ulıwma xalıqqa áhmiyetke iye boldı. Usıǵan baylanıslı úlkemizdi kógallandırıw, ónimdar mádeniy topıraqtı duz hám qum basıwdan qorǵaw boyınsha úlken jumıslar islenip atır. Usı maqsette jıl sayın birneshe mıń gektar maydanǵa aǵash otırǵızıw, Araldıń suwdan bosaǵan ultanına seksewil egiw máselesi keńnen jolǵa qoyılıp atır. Usı maqsette jeke puqaralar, sonday-aq toǵay xojalıǵı xızmetkerleri úlkemizdi kógallandırıw máselesine belsendi qatnaspaqta.
Derek
[redaktorlaw | derekti redaktorlaw]- Saypov A., Ataniyazova Q., Esenova I., Dawletbaev A. Qaraqalpaqstan tábiyiy geografiyası páni oqıtıwshılar ushın metodikalıq qollanba. -Nókis, 2022.