Plagiat

Plagiat-latın tilinen alınıp "eliklew, avtorǵa tiyisli bolǵan materialdı ruxsatsız hám nızamsız túrde paydalanıw,urlaw yamasa kóshiriw"degen mánisti ańlatadı. Bul termin eń dáslep Evropa XVII ásirdiń baslarında qollanıla baslaǵan.Dáslep ádebiy shıǵarmanı urlaw-"plagium litterarium"dep, ádebiy urı bolsa-"plagiator"dep qollanılǵan.

Plagiat tómendegi jaǵdaylarda júz beredi:

1.Siz birewdiń maqalasınan yamasa shıǵarmasınan ózińizdiń maqalańızǵa azǵana bólegin mısal etip keltirmekshi bolsańız onıń avtorı hám maqala atın tolıq keltirmesten kóshirip alsańız bul plagiat boladı.

2.Saytlarda yamasa telegram kanallarda siltemeni kórsetpesten birewdiń jazǵan maqalasın óziniń veb-saytına jaylastırıwda plagiat esaplanadı.

3.Birewdiń maqalasın ózińizdiń telegram kanalıńız yaki saytlarǵa jaylastırıwda sol insandı avtor retinde kiritpesten ózińizdiń atıńızdı jazıp maqalanı jaylastırıwda plagiat boladı

Plagiattı tekseriwshi birneshe programmalar bar bolıp,solardan keń tarqalǵanı bul- antiplag.uz bolıp esaplanadı.

Antiplag.uz programması arqalı quramalı algoritmler járdeminde plagiat,qayta tákirarlanǵan hám mazmunı jaǵınan ózlestirilgen tekstlerdi anıqlawıńız múmkin.