Prezident

QARAQALPAQ WİKİPEDİASININ' MAG'LIWMATI

Prezident (latınsha pre - "aldında" hám sedere - "otırıwshı", yaǵnıy qaraqalpaqsha "aldında otırıwshı") — qandayda bir shólkem, kompaniya, kásiplik awqamı, universitet yamasa mámleket basshısı lawazımı bolıp tabıladı. Bul sóz etimologiyalıq tariyxı tárepinen, qandayda bir jıynalısta yamasa bayramda eń aldında otırǵan kisi mánisinen kelip shıqqan. Prezident házirde kópshilik mámleketlerde saylap qoyılatuǵın mámleket baslıǵı. BMShǵa aǵza bolıp kirgen 190 nan aslam mámlekettiń 140 tan aslamında prezident lawazımı engizilgen.

Prezidentlik basqarıw forması birinshi márte AQShda 1787-jılı payda bolǵan.

Qaraqalpaqstan Respublikası tariyxında birinshi hám házirge shekemgi sońǵı prezidentlik lawazımın Dáwletbay Shámshetov 1991-1992-jılları iyelegen.