Qısqarǵan qospa sózler

Bir ma’ni an’lati’wshi’ so’zler dizbeginin’ qi’sqari’p keliwinen jasalg’an so’zler qi’sqarg’an qospa so’zler delinedi. Qi’sqarg’an qospà so’zler to’mendegishe jasaladi’: 1. So’zlerdin’ birinshi ha’ripleri g’ana qi’sqaradi’, wolar bas ha’ripler menen birigip jazi’ladi’. Mi’sali’: NMPI ( Nókis ma’mleketlik pedagogikali’q instituti’), QMU (Qaraqalpaq ma’mleketlik universiteti), QR (Qàràqàlpàqstàn Respublikàsi’), VKK (vrachli’q konsultaciya komissiyasi’). 2. Birinshi so’zdin’ birinshi buwi’ni’, keyingi so’z- lerdin’ birinshi ha’riplerinin’ qi’sqari’p birigiwinen jasaladi’. Mi’sali’: O’zR (O’zbekistan Respublikasi’), TashMI (Tashkent medicinali’q instituti’). Bunday so’zlerde buwi’nni’n’ birinshi ha’ribi menen keyingi qi’sqarg’an so’zlerdin’ birinshi ha’ripleri bas ha’rip penen jazi’ladi’. 3. So’zlerdin’ da’slepki buwi’nlari’ qi’sqari’p birigedi. Mi’sali’: pedfak (pedagogikali’q fakultet). 4. Birinshi so’zdin’ birinshi buwi’ni’ni’n’ qi’sqari’p, keyingi so’zlerdin’ qi’sqarmay birigiwinen jasaladi’. Mi’sali’: pedinstitut (pedagogikali’q institut), multfilm (multiplikaciyali’q film). Bul qi’sqarg’an so’zler kishi ha’rip penen jazi’ladi’.