Qutlımurat Allanazarov
| Qutlımurat Allanazarov | |
|---|---|
 | |
| Tuwılǵan sánesi | 21-fevral 1947-jılı (77 jasta) |
| Tuwılǵan jeri | Mádeli awılı, Moynaq rayonı |
| Milleti | Qaraqalpaq |
| Ilimiy tarawı | Filologiya, til bilimi |
| Jumıs orınları | Tashkent mámleketlik agrar universitetiniń Nókis filialı (1992-95) QMU (1995) |
| Bilim alǵan jeri | QMPI (1968) QMU (aspirantura, 1979-82) |
| Belgili tezis(ler)i | «Qaraqalpaq tilindegi ádebiyattanıw terminleri» (1986) |
Qutlımurat Allanazarov — 1947-jılı 21-fevralda Moynaq rayonınıń Mádeli awılında tuwıldı.
Miynet jolı
[redaktorlaw | derekti redaktorlaw]1968-jılı QMPI tariyx-filologiya fakultetiniń qaraqalpaq tili hám ádebiyatı bólimin tamamlap, Moynaq qalasınıń házirgi T.Jumamuratov atındaǵı mektebinde qaraqalpaq tili hám ádebiyatı muǵallimi bolıp isledi. 1968-69-jıllarda armiya qatarında xızmet etti. 1979–82- jıllarda QMU janındaǵı aspiranturanıń sırttan oqıw bóliminde oqıdı. 1984–86-jılları Moynaq qalasınıń Kalinin atındaǵı mektebinde direktor oqıw-tárbiya isleri boyınsha orınbasarı, 1986–92-jılları Kuybıshev (házirgi D.S. Nasırov) atındaǵı orta mekteptiń direktorı bolıp isledi.1992–95-jılları Tashkent mámleketlik agrar universitetiniń Nókis filialında tiller kafedrasın basqardı, al 1995-jıldan baslap Berdaq atındaǵı QMU qarqalpaq til bilimi kafedrasınıń úlken oqıtıwshısı bolıp isledi.
Ilim jolı
[redaktorlaw | derekti redaktorlaw]1986-jılı Tashkentte ÓzIA A.S.Pushkin atındaǵı Til hám ádebiyat institutında «Qaraqalpaq tilindegi ádebiyattanıw terminleri» degen temada kandidatlıq dissertaciyasın jaqladı. Onnan keyin Tashkent mámleketlik agrar universitetiniń Nókis filialında tiller kafedrasın basqardı hám házirgi waqıtta napaqada. Q. Allanazarov, tiykarınan, qaraqalpaq tili terminologiyası hám mekteplerde qaraqalpaq tilin oqıtıw máseleleri menen shuǵıllandı.
Miynetleri
[redaktorlaw | derekti redaktorlaw]- Literaturovedcheskie terminı v karakalpakskom yazike. (T., 1985);
- Qaraqalpaq álipbesi (metodikalıq qollanba. N., 2002 J. Nurxanova menen birgelikte);
- Qaraqalpaq tili 5-klass ushın sabaqlıq (T., 2015. E.Berdimuratov, G.Patullaeva menen birgelikte);
- Oqıw kitabi 4-klass ushın sabaqlıq (N, 2017. E.Berdimuratov, J.Pirniyazov, J.Uspanova menen birgelikte).
Ádebiyatlar
[redaktorlaw | derekti redaktorlaw]- Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0