Sarigúl Bahadirova

Wikipedia, erkin enciklopediya
Sarıgúl Bahadırova
Tuwılǵan sánesi 1944-jılı (1944)
Tuwılǵan jeri Qaraózek rayonı,  QQASSR
Milleti qaraqalpaq
Dóretiwshilik túri shayır

Ómirin ilimge baǵıshlaǵan jazıwshı – Sarıgúl Bahadırova

Biografiyası[redaktorlaw | derekti jańalaw]

Jazıwshı hám ilimpaz Sarıgúl Bahadırova 1944-jılı Qaraózek rayonında tuwılǵan. Awıl- lıq orta mektepti 1962-jılı tamamlap, Qaraqalpaq mámleketlik pedagogikalıq institutına oqıwǵa kiredi.1967—70-jılları Tashkentte Ózbekstan Ilimler Akademiyasınıń aspiranturasında oqıdı hám 1970-jılı «Házirgi qaraqalpaq gúrrińleri» degen temada kandidatlıq dissertaciyasın jaqladı. Sonnan baslap ol Ózbekstan Ilimler Akademiyası Qaraqalpaqstan bóliminiń N. Dáwqaraev atındaǵı til hám ádebiyat institutında ilimiy xızmetker, bólim baslıǵı lawazımlarında isledi.

Dóretiwshiligi[redaktorlaw | derekti jańalaw]

Sarıgúl Bahadırova 1985-jılı «Folklor hám qaraqalpaq sovet prozası» degen temada doktorlıq dissertaciya jumısın jaqladı. 1991-jıldan 2009-jılǵa shekem N.Dáwqaraev atındaǵı til hám ádebiyat institutınıń direktorı lawazımında isledi, házir húrmetli dem alısta. Ol 1996-jıldan baslap Qaraqalpaqstan Jazıwshılar awqamınıń aǵzası. Sarıgúl Bahadırova «Hayallar» (1973), «Ómir sabaǵı» (1980), «Táǵdir» (1981—1989), «Keshikken soldat» (1982) povest hám romanlardıń, sonday-aq, bir qatar «Anama xat», «Bala—beldiń dimarı», «Aǵayin» hám t.b. gúrrińlerdiń avtorı.

Ilimiy jolı[redaktorlaw | derekti jańalaw]

S.Bahadırovanıń «Roman hám dáwir» (1978), «Folklor hám qaraqalpaq sovet prozası» (1984), «Kitabi dedem Qorqıt», «Qoblan», «Edige» hám «Házirgi ádebiyat haqqında oylar» (1992) atlı ilimiy miynetleri bar.

Maqalaları[redaktorlaw | derekti jańalaw]

• Каракалпакский сказитель эпоса и его исполнения. IX. Uluslararası Türkoloji Kongresi. Türk Kültür ve Medeniyetnin Sürekliliği Bildiri Kitabı, -Түркістан, 2021.

Sarıgúl Bahadırova Beruniy atındaǵı Ózbekstan Respublikasınıń mámleketlik sıylıǵınıń laureatı. XX ásirdiń 60 — 70-jılları qaraqalpaq ádebiyatında kórkem shıǵarmalar jazatuǵın hám sonıń menen birge, ilimiy-izertlew jumısların alıp baratuǵın kórkem sóz sheberleri dóretiwshilik maydanǵa keldi. Sarıgúl Bahadırovanı solardıń biri sıpatında atap kórsetiwge boladı.

Jetiskenlikleri[redaktorlaw | derekti jańalaw]

1984 - jılı Abu Rayxan Beruniy atındaǵı Ilim hám texnika tarawı boyınsha Ózbekistan mámleketlik sıylıǵınıń laureatı. 1993 – jılı Qaraqalpaqstan Respublikasına xızmet kórsetken ilim ǵayratkeri 2005 – jılı «Professor» ilimiy ataǵına iye boldı. 2006 – jılı Xalıq miyrasın saqlaw boyınsha N. Rerix atındaǵı xalıqaralıq sıylıqtıń laureatı.