Shamshetdin Ábdinazimov

Shamshetdin Ábdinazimov
Tuwılǵan sánesi	21-avgust 1961-jılı(1961-08-21) (63 jasta)
Tuwılǵan jeri	Bozataw rayonı
Milleti	Qaraqalpaq
Ilimiy tarawı	Filologiya, til bilimi
Jumıs orınları	Bozataw rayonlıq atqarıw komiteti (1984-86) QMU (1987-házirge shekem)
Bilim alǵan jeri	NMU (1979-84) QMU (aspirantura, 1986-90)
Ilimiy dárejesi	Filologiya ilimleriniń doktorı (2001)
Ilimiy ataǵı	Professor (2010)
Belgili tezis(ler)i	««Qırq qız» dástanınıń leksikalıq quramı» (1992) «Berdaq shıģarmalarınıń tili» (2001)
Sıylıqları	«Qaraqalpaqstan Respublikasına miyneti sińgen ilim ǵayratkeri» (2015)

Shamshetdin Ábdinazimov — 1961-jılı 21-avgustta Bozataw rayonında tuwıldı. 1979-1984-jılları NMU filologiya fakultetiniń qaraqalpaq tili hám ádebiyatı bóliminde oqıdı. 1984-1986-jılları Bozataw rayonlıq atqarıw komitetinde dáslep instruktor, keyninen ulıwma bólim baslıǵı bolıp isledi. 1986-1990-jılları QMU janındaǵı aspiranturanıń sırttan oqıw bóliminde oqıdı. 1987-jıldıń yanvarınan baslap QMUǵa jumısqa ótti. 1999-jıldıń sentyabrinen mámleketlik tiller kafedrasın basqaradı.

Ilim jolı

1992-jılı Nókiste ««Qırq qız» dástanınıń leksikalıq quramı» degen temada kandidantlıq dissertaciyasın, 2001-jılda «Berdaq shıģarmalarınıń tili» degen temada doktorlıq dissertaciyasın jaqladı.

Sh.Abdinazimov qaraqalpaq tiliniń tariyxı, ásirese, qaraqalpaq ádebiyatı klassikleri shıǵarmalarınıń tili menen shuǵıllandı.

2015-jılı «Qaraqalpaqstan Respublikasına miyneti sińgen ilim ǵayratkeri» ataǵın aldı.

Miynetleri

• Leksicheskiy sostav eposa «Kırık kız» («Sorok devushek») ( N., 1992);
• Berdaq dóretpeleriniń fonetikası.(N. 1994);
• Berdaq hám qaraqalpaq jazba ádebiy tili.(N., 1997);
• Qaraqalpaq til tariyxı (2008);
• Til bilimi tariyxı (2013);
• Sózlerim merwertdur aytılǵan hár bir…( N.,1997);
• QARAQALPAQ TILI 10-klass ushın sabaqlıq (N., 2017)
• E. Berdimuratov, Z. Ismaylova menen birge);
• Qaraqalpaq tiliniń imla sózligi (N., 2017)
• M. Dáwletov, A. Dáwletova menen birgelikte);
• QARAQALPAQ TILI 11-klass ushın sabaqlıq (N., 2018 B.);
• Qutlımuratov, Z. Ismaylova menen birge);
• Házirgi qaraqalpaq ádebiy til. Fonetika. Leksikologiya (2018);
• Qaraqalpaq ádebiy tiliniń fonetikası hám leksikologiyası. Sabaqlıq (2018) (A.Pirniyazova, S.Shınnazarova menen birgelikte);
• Lingvofolkloristika  (2018);
• Lingvopoetika (2020);
• Lingvokulturologiya (2020) .

Ádebiyatlar

• Бекбергенов А., Пахратдинов Қ. Қарақалпақ тилин изертлеўшилер. Биобиблиографиялық очерклер. —Нөкис, «Қарақалпақстан», 2000. 52 бет, ISBN 5-8272-0196-0