Stella Skopal
| Stella Skopal | |
|---|---|
| Tuwılǵan sánesi | 1904-jıl 18-iyul |
| Tuwılǵan jeri | Zagreb, Xorvatiya-Slavoniya Patshalıǵı, Avstriya Vengriya |
| Qaytıs bolǵan sánesi | 1992-jıl 24-dekabr |
| Qaytıs bolǵan jeri | Zagreb, Xorvatiya |
| Kásibi | Músinshi |
Stella Skopal (1904-jıl 18-iyul - 1992-jıl 24-dekabr) - Xorvatiyalıq evrey músinshi áyel[1].
Turmısı[redaktorlaw | derekti redaktorlaw]
Stella Skopal 1904-jıl 18-iyulda Xorvatiyanıń paytaxtı Zagreb qalasında tuwılǵan. 1924-jıldan 1928-jılǵa shekem ol Zagrebdaǵı Patshalıq kórkem óner hám ónermentshilik akademiyasında oqıǵan, onda Hinko Yuhn, Ivo Kerdić, Frano Kršinić hám basqa kóplegen ataqlı músinshilerden sabaq alǵan. 1929-jılda Stella Skopal Vena qalasında, keyin, 1933-jıldan 1934-jılǵa shekem Gerta Buxerdıń menshikli mektebinde tálim aladı. Stella Skopal 1927-jılda óziniń professorı Hinko Yuhnnıń kórkem óner baǵdarı boyınsha modellestirilgen er-hayaldıń ılaydan islengen ıdıs háykelin soǵıw arqalı dáslepki debyutın jaratadı. 1927-jıldan 1939 -jılǵa shekem ol tiykarınan Zagrebdaǵı joqarı klassdaǵı evrey shańaraqları ushın jigirmadan artıq júdá qızıqlı kamin hám pechkalar ushın bezewler jaratqan. Domagojeva kóshesi 2-úyde jasawshı Blyuvayslar shańaraǵınıń kvartirasında virtuoz modellestirilgen oynap atırǵan hayal figuraları onıń jumısları arasındaǵı eń áhmiyetlilerinen biri bolǵan. 1938-jılda Stella Skopal Xorvatiyada birinshi bolıp ılaydan islengen ıdıstan túrli zergerlik buyımların jasay baslaǵan. 1940-jıl basınan 1950-jıl ortalarına shekem kóplegen ılaydan islengen ıdıs stollar jaratqan, olardan tek bir neshesi búgingi kunge shekem saqlanıp qalınǵan. 1951-jıldan 1956 -jılǵa shekem Stella Skopal ılaydan islengen ıdıslar soǵıw ústinde islegen, sol qatarda likyor hám li ishimlikler islep shıǵaratuǵın «Maraska dd» kompaniyasında da iskerlik alıp barǵan. Bul waqıt dawamında Stella Skopal onda da, shet elde de kóplegen maqtawlarǵa iye bolǵan. Stella Skopal jumısınıń eń úlken bólegi kúndelik paydalanıw ushın arnalǵan ılaydan islengen ıdıs buyımların qáliplestiriwge arnalǵan, atap aytqanda: keseler, gúzeler, vazalar, lampalar hám basqa ıdıslar.
Ekinshi Jáhán urısı waqtında, evrey bolǵanlıǵı sebepli Stella Skopal ItaliyanıńTreviso qalasındaǵı «Gabianelli» keramika zavodına jaylastırılǵan. Italiya taslim bolǵanınan keyin, Stella Skopal partizanlarǵa qosıladı. Partizanlar menen ol Bari awqamı áskeriy gospitalında, keyin Cozzanodaǵı gúzeshilik kárxanasında islegen. Urıstan keyin, 1945-jıldan 1965-jılǵa shekem Stella Skopal Zagrebdaǵı ámeliy kórkem óner mektebinde professor bolıp iskerlik júrgizgen. Ol gúlal dóngeleginde modellestiriw hám sırtqı kórinisler jaratıwdı uyretedi.
Stella Skopal jaratqan kóplegen dóretiwshilik jemisleri onıń turmısı dawamında biydárek joǵalǵan, ayırımları bolsa Kórkem óner hám ónermentshilik muzeyinde, Xorvatiya milliy teatrı hám Zagrebdaǵı Xorvatiya tariyxı muzeyinde, Zagreb evreyleri jámátinde, Splittaǵı kórkem óner galereyasında hám jeke kolleksiyalarda saqlanadı[2].
Stella Skopal 1992-jıl 24-dekabrde qaytıs bolǵan hám Mirogoj áwliyesine kómilgen[3].
Sıylıqları[redaktorlaw | derekti redaktorlaw]
1975-jılda Stella Skopal ómir boyı erisken jetiskenlikleri ushın Vladimir Nazor sıylıǵına iye bolǵan[4].
Derekler[redaktorlaw | derekti redaktorlaw]
- ↑ http://www.ulupuh.hr/hr/izdavackadjelatnost.asp?id=825%7Ctitle=Marina Baričević: Stella Skopal |Harvard citation text|Snješka Knežević|2011|p=93
- ↑ http://www.ulupuh.hr/hr/izdavackadjelatnost.asp?id=825%7Ctitle=Marina Baričević: Stella Skopal|publisher=Hrvatska udruga likovnih umjetnika primijenjenih umjetnosti|Harvard citation text|Baričević|2009|p=}}
- ↑ (in xorvatsha) Gradska groblja Zagreb: Stella Skopal, Mirogoj Ž-11-II/I-29
- ↑ name=" ss"|url=http://www.ulupuh.hr/hr/izdavackadjelatnost.asp?id=825%7Ctitle=Marina Baričević: Stella Skopal|publisher=Hrvatska udruga likovnih umjetnika primijenjenih umjetnosti >