Tamara Doshumova

Tamara Ǵanievna Doshumova (Тамара Дошумова; 1954-jıl 10-mart, Nókis) — qaraqalpaq qosıqshısı. Qaraqalpaqstan (1977), Ózbekstan (1980) hám Tatarstan (1981) xalıq artisti.

Ómir hám miynet jolı

Tashkent mámleketlik teatr hám súwretshilik kórkem-óneri institutınıń drama hám kino aktyorı fakultetin tamamlaǵan (1986). 1968—1996-jılları Berdaq atındaǵı Qaraqalpaqstan mámleketlik filarmoniyasi qasındaǵı «Ayqulash» ansambliniń jeke atqarıwshısı, 1996-jıldan «Ámiw tolqını» ansamblinde qosıqshı bolıp jumıs islegen. Kúshli, nápesi keń, bálent hám jaǵımlı dawısqa iye. Repertuarınan qaraqalpaq xalıq («Nalıw», «Ǵulpaq» hám t.b), Xorezm («Bolmaydı» hám t.b) qosıqları, qaraqalpaq hám de ózbek kompozitorleri dóretpeleri («Kewil kewilden suw isher», N. Muhammeddinov; «Qosıǵıma óziń qanat bolasań», «Seniń bul dúnyada bar ekeniń», «Yar etpe», X. Turdıqulov; «Besik jırı» M. Jiyemuratov; «Jollarım», M. Ashrafiy hám t.b) orın alǵan. Hamza atındaǵı Ózbekstan Mámleketlik sıylıǵı laureati (1981)^[1].