Tashkent qalasındaǵı Inha universiteti
Tashkent qalasındaǵı INHA universiteti.Tashkent qalasında jaylasqan oqıw jurtı esaplanadı. Bul Universitette sabaqlar Ingilis tilinde alıp barıladı hám Xabar texnologiyaları barısında joqarı qánigeli kadrlar tayarlaydı. Universitet Ózbekstanda joqarı orında turadı[1].
Tariyxı[redaktorlaw | derekti jańalaw]
Tashkent qalasındaǵı INHA universiteti 2014-jıl shólkemlestirilgen bolıp ol Koreyanıń INHA universiteti menen sheriklikte islengen. Inha universiteti Koreyanıń Informaciya texnologiya tarawında kózge kóringen oqıwlardan biri esaplanadı. 2014 — jılı Ózbekstan hám Koreya respublikaları ortasında Tashkent qalasında Inha universiteti dúziliwi tuwrısında kelisip alındı hám sonıń menen 2014-jılı Universitet dúzildi[2] .
Maǵlıwmatlar orayı[redaktorlaw | derekti jańalaw]
Maǵlıwmatlar orayı bul universitetti barlıq tarmaqlar menen baylanıstı támiyinleytuǵın quralı bolıp tabıladı hám studentler,xızmetkerler odan keń kólemde paydalanadı, bul maǵlıwmatlar orayı joqarı texnologiyalar menen támiyinlengen zamanagóy kompyuterler ,Microsoft office programmaları kompleksi, Internet brauserleri hám E-mail yaǵnıy elektron pochta da keń jolǵa qoyılǵan,bular hámmesi sistema boylap shólkemlestirilgen. Júdá qımbatlı kitaplar, jurnallar hám gazetalar da Maǵlıwmatlar orayı quramına kiredi. Olardıń derlik hámmesi Ingiliz tilinde jazılǵan kitaplar bolıp tabıladı. Barlıq studentler ID kartalar menen támiyinlengen jáne bul arqalı olar baspadan shıǵarıw hám busha alıw xızmetlerinen paydalana aladı. Maǵlıwmatlar orayı kameralar hám arnawlı seziwsheń sensorlar menen úskenelestirilgen. Bul oray 1-qabattıń 103-xanasında jaylasqan.[3]
Kompyuter labaratoriya xanaları[redaktorlaw | derekti jańalaw]
Inha universitetniń imaratında ulıwma bolıp 3 kompyuter laboratoriya bólmeleri bar, studentler hám xızmetkerler paydalanıwı ushın eń zamanagóy joqarı tezlikte isleytuǵın kompyuter menen úskenelestirilgen, olardıń sanı 150 esaplanadı. Kompyuterlerge studentler ushın vizual studio 2013 hám eclipce hám basqa programmalar ornatılǵan bolıp olar c++ hám Java tillerinde shınıǵıwlar ótkeriw ushın qaratılǵan, Olar joqarı tezliktegi internet penen támiyinlengen. Bul laboratoriya bólmeleri oqıwshılar hám oqıtıwshılar ushın oqıw hám jumıs maqsetleri ushın xızmet etedi hám olardan paydalanıw málim bir sistema boylap ámelge asadı [4].
Fizika labaratoriya xanaları[redaktorlaw | derekti jańalaw]
Fizika laboratoriya bólmeleri studentlerdi fizika sabaqlarında alǵan teoriyalıq bilimlerin ámelde qollaw ushın oǵırı paydalı bolıp tabıladı. Oqıwshılar túrli fizika laboratoriya úskeneleri arqalı fizikada kerekli hám zárúr bolǵan Nyutonnıń nızamları elektr tokı hám basqa temalarda qızıqlı ámeliyat jumısların ótkeredi
Data orayı[redaktorlaw | derekti jańalaw]
Bul Data orayı Universitettiń barlıq maǵlıwmatlar orayı bolıp tabıladı ol maǵlıwmatlar almasıwın studentler hám xızmetkerler ortasındaǵı sistema wazıypasın atqaradı.
Jónelisler[redaktorlaw | derekti jańalaw]
Tashkent qalasındaǵı INHA universiteti eki jóneliske iye
- Computer science Engineering(CSE) yaǵnıy kompyuter dástúri injeneringi
- Information comunication engineering(ICE) yaǵnıy kompyuter injeneringi
CSE bul jónelis tiykarınan programmalastırıw tarawına tiykarlanǵan bolıp tabıladı. Studentler birinshi basqıshta C++ (objact oriented programming)menen tanısadı keyinirek Java WEB progrmming boyınsha da tálim aladı, joqarı maman hám jáhán talaplarına juwap beretuǵın kadrlar tayarlaw ushın qaratılǵan.
ICE Bul jónelistiń eń zárúrli táreplerinen biri bul úskeneler menen islew bolıp tabıladı yaǵnıy kompyuterdiń túrli qattı buyımları mısalı qattı yad hám basqa úskenelerdi qanday islewi, qanday tayarlanıwı hám basqa qásiyetlerin studentlerge úyretedi hám sol tarawda kadrlar tayarlaydı.