Wikipedia:Iygilikli maqsetti gózleń

Hár bir iste iygilikli maqsetti gózlew — jumıstıń ideal orınlanıwınıń girewi esaplanadı. Wikipediada da áyne sonday. Paydalanıwshılardıń bárshesi redaktorlaw huqıqına iye. Barlıq redaktorlaw hám dúzetiwler basqalarǵa paydalı maǵlıwmatlardı jetkeriw ushın isleniwi lazım. Mánissiz, jartıwsız, mazmunsız hám kereksiz kóriniste redaktorlap atırǵan paydalanıwshılar dáslep adminstratorlar tárepinen bloklanıw haqqındaǵı xabar menen eskertiledi. Eger eskertilip atırǵan paydalanıwshı betlerdi búldiriwdi dawam etse, onıń esap beti (akkauntı) belgili bir yamasa sheksiz múddetke bloklanadı. Bolmasa Wikipedianıń ensiklopediyalıq áhmiyeti joǵalıp ketken bolar edi.

Tájriybeli paydalanıwshılar jańa dizimnen ótken paydalanıwshılar menen dos sıyaqlı qatnasıqta bolıwı hám óz bilimleri menen bólisiwi kerek.