«Altın Juldız» medalı
| «Altın Juldız» medalı | ||
|---|---|---|
| ||
| Túri | {{{Túri}}} | |
| Statistika | ||
| Tastıyqlaw sánesi | 1994-jıl 5-may | |
| Birinshi sıylıqlaw | 1994-jıl 5-may | |
WikiQoymada [[commons:Category:|«Altın Juldız» medalı]] | ||
«Altın Juldız» medalı—Ózbekstan Respublikası mámleket sıylıǵı. Joqarı nıshan. «Ózbekstan Qaharmanı» joqarı sıylıǵı belgisi. Nızamǵa kóre, ataq mámleket hám xalıq aldındaǵı qaharmanlıq, mártlik kórsetiwi menen baylanıslı xızmetleri ushın Ózbekstan Respublikası prezidenti tárepinen beriledi [1].
«Ózbekstan Qaharmanı» ataǵı menen sıylıqlanǵan shaxslarǵa joqarı sıylıq belgisi — «Altın Juldız» medalı hám ataq berilgenligi tuwrısındaǵı tiyisli hújjet—gúwalıq tapsırıladı[2][3].
«Ózbekstan Qaharmanı» ataǵı qaytıs bolǵannan keyin berilgen jaǵdayda «Altın Juldız» medalı hám ataǵı berilgenligi haqqındaǵı gúwalıq sıylıqlanǵan shaxstıń shańaraq aǵzasına tapsırıladı[4].
«Altın Juldız» medalın saltanatlı túrde joqarı xoshamet penen Ózbekstan Respublikası prezidenti tapsıradı. Medaldı Prezident atınan Ózbekstan Respublikası Joqarı Keńesiniń Nızamshılıq palatası Spikeri, Ózbekstan Respublikası Joqarı Keńesiniń Senatı Baslıǵı yamasa Ózbekstan Respublikası Bas ministri tapsırıwı da múmkin.
Joqarı sıylıq belgisi—«Altın Juldız» medalı kókrektiń shep tárepine kókrek nıshanlarınan, ordenlerden hám medallardan joqarıǵa taǵıladi. «Altın Juldız» medalı basqa ayrıqsha órnek kórsetkenligi ushın alınǵan nıshanlardı taǵıp júriw waqtında orden hám medallardan joqarıda, aldınǵı «Altın Juldız» medalınan hám de «Oraq hám Shókkish» altın medalınan ońıraqqa taǵıladı. Plankalardaǵı lentalardı taǵıp júriw qaǵıydaları joqarı sıylıq belgisi—«Altın Juldız» medalına salıstırǵanda qollanılmaydı.
Mámleket sıylıqları menen sıylıqlanǵan shaxslar ulıwma milliy bayramlar hám saltanatlı ilajlar waqtında joqarı sıylıq belgisi—«Altın Juldız» medalın kókreginiń shep tárepine taǵıp júredi. Sıylıqlanǵan shaxslar medaldı basqa jaǵdaylarda da taǵıp júriwi múmkin.
Túsindirmesi[redaktorlaw | derekti redaktorlaw]
«Ózbekstan Qaharmanı» ataǵın belgilew hám altın nıshan-«Altın juldız» medalın engiziw tuwrısında Ózbekstan Respublikasınıń 1994-jıl 5-maydaǵı 1038-XII-sanlı Nızamında «Altın juldız» medalınıń tastıyıqlanǵan túsindirmesi tómendegishe jazılǵan:
«Altın Juldız» medalı 585 probalı altın eritpesinen tayarlanadı hám segiz qırlı juldız formasında boladı. Juldızdıń keri jaylasqan ushlarınıń arası 32 millimetr. Medal orayındaǵı diametri 8 millimetrli sheńber ishinde Ózbekstan Respublikası Mámleket gerbiniń belgisine sáykes yarım ay hám bes qırlı juldız jaylasqan.
Medaldıń arqa tárepi orayında Ózbekstan Respublikası Mámleket gerbi jaylasqan.
Medal tárepleri oyıq tuwrı tórtmúyesh formasında islengen, ólshemi 16x25 millimetrli gúmis qadaǵish (kolodka) qa gúmisten islengen qıstırıp qoyıwshı da sheńber járdeminde jalǵanadı. Qadaǵıshtıń bólimleri hám sheńber 0,25 mikron qalıńlıqtaǵı altın menen oralǵan.
Qadaǵıshtıń ishki bólegi respublika Mámleket bayraǵınıń reńindegi jol-jol tawar (lenta) menen oralǵan. Tawar úlkenligi 11x20 millimetr.
Medal salmaǵı 12,5 gramm.
Derekler[redaktorlaw | derekti redaktorlaw]
- ↑ https://lex.uz/uz/docs/107317 |sarlavha=Ўзбекистон Республикасининг Қонуни, 05.05.1994 йилдаги 1038-XII-сон |sana=05.05.1994 |vebsayt=lex.uz |qaralgan sana=06.06.2024 |iqtibos=}}
- ↑ https://lex.uz/uz/docs/107317 |url=https://lex.uz/docs/98221 |sarlavha=Ўзбекистон Республикасининг Қонуни, 22.12.1995 йилдаги 176-I-сон |familiya= |ism= |sana=22.12.1995 |vebsayt=lex.uz |til= |qaralgan sana=06.06.2024 |iqtibos=}}
- ↑ {{|url=https://lex.uz/uz/docs/107317veb manbasi |://lex.uz/docs/3676244 |sarlavha=Ўзбекистон Республикасининг Қонуни, 11.04.2018 йилдаги ЎРҚ-473-сон |familiya= |ism= |sana=11.04.2018 |vebsayt=lex.uz |til= |qaralgan sana=06.06.2024 |iqtibos=}}
- ↑ name="lex1"