Ótemurat Tilewmuratov

Òtemurat Tilewmuratov 1925-jılda Qaraqalpaqstan Respublikası Qaraózek rayonında tuwılǵan.

Tuwılǵan sánesi	1925
Qaytıs bolǵan sánesi	16-oktyabr 2005(2005-10-16)

Tuwılǵan sánesi	1925
Qaytıs bolǵan sánesi	16-oktyabr 2005(2005-10-16)

Biografiyası

1943-jıldıń martında Taxtakópir rayon áskeriy komissarlıǵı tárepinen Armiyaǵa shaqırılǵan. 1943-jıldıń oktyabrinen armiyada xızmet qılǵan. Óz áskeriy jolın Batıs frontta baslaǵan, sol jıldıń dekabr ayında awır jaradar bolǵan. Frontqa úsh aydan soń qaytqan. 1944-jılda qızıl ásker T.Utemuratov 97-oqshı diviziyası 136-oqshı polkınıń saperı bolıp urısqa kirgen. 1944-jıldıń jazında Belarus aymaǵındaǵı urıslarda ózin kórsetken. 1944-jıl 22-iyun kúni Suxodrovka dáryasın (Belarus, Vitebsk wálayatı) kesip ótiwde qızıl ásker T.Utemuratov artilleriyanı iyelengen placdarmǵa tez kóshiriw ushın hújim hám transport kópirleriniń qurılısında qatnasqan.

1944-jıldıń avgust ayında sol sawashlardaǵı kórsetken erligi ushın «Mártligi ushın» medalı menen sıylıqlanǵan. 97-oqshı diviziyası bólimleri boyınsha 1944-jıl 13-sentyabrdegi buyrıq (№46/n) penen qızıl ásker T.Utemuratov 3-dárejeli «Dańq» ordeni menen sıylıqlanǵan.

277-oqshı diviziyası bólimleri boyınsha 1945-jıl 26-fevraldaǵı buyrıq (№22/n) penen qızıl ásker T. Utemuratov 3-dárejeli «Dańq» ordeni menen sıylıqlanǵan (tákirar. Sıylıq betinde «aldın sıylıqlanbaǵan» dep jazılǵan). 1945-jıl 16-mart kúni Praussen elatlı punkti jaqınında aǵa serjant T.Utemuratov birinshi bolıp avtotrassadaǵı dushpanlar bolǵan úyge bastırıp kirip, avtomat oǵı hám granatalar menen on gitlershini joq qılǵan hám ekewin tutqınǵa alǵan. 5-armiya áskerleri boyınsha 1945-jıl 26-apreldagi buyrıq (№55/n) penen aǵa serjant T. Utemuratov 2-dárejeli «Dańq» ordeni menen sıylıqlanǵan.

1950-jılda aǵa serjant T.Utemuratov zapasqa bosatılǵan hám óz watanına qaytqan. Urıstan keyin ol Qaraózek rayonındaǵı «Moskva» kolxozında islegen. SSSR Joqarǵı Soveti Prezidiumınıń Pármanı menen 1982-jıl 22-yanvarda T.Utemuratov 1-dárejeli «Dańq» ordeni menen sıylıqlanǵan hám «Dańq» ordeniniń tolıq iyesine aylanǵan.

2005-jıl 16-oktyabr kúni qaytıs bolǵan. 1-dárejeli «Watandarlıq urıs», 1-, 2- hám 3-dárejeli «Shuhrat» ordenleri, medallar, sonday-aq, «Mártligi ushın» medalı menen sıylıqlanǵan. 1945-jıl 8-maydan Yapon militalist urısında qatnasqan.

Dárekler

Qaraqalpaqstan Respublikası Oraylıq Mámleketlik arxiv fondınan