Dańq ordeni

Dańq ordeni — Ózbekstan mámleketlik sıylıqlarınan biri. Qurallı kúshlerdiń jawınger tayarlıǵın asırıw hám huqıq tártibin támiyinlew isindegi úlken xızmetleri ushın beriledi.

Nızamı

1. „Dańq“ ordeni menen Ózbekstan Respublikası puqaraları watandı qorǵawda kórsetken belsendilik hám mártlik ushın, Ózbekstanda qorǵaw qudiretin hám milliy qawipsizlikti bekkemlew, qurallı kúshlerdiń jawınger tayarlıǵın asırıw hám huqıq tártibin támiyinlew jumısındaǵı úlken xizmetleri ushın sıylıqlanadı. Bunnan basqa da jaǵdaylarda, „Dańq“ ordeni menen Ózbekstan Respublikası puqarası bolmaǵan shaxslar da sıylıqlanıwı múmkin.
2. Orden eki dárejeden ibarat: 1-dárejeli hám 2-dárejeli. Ordenniń joqarı dárejesi 1-dáreje bolıp tabıladı. Sıylıqlaw nızamlı jol menen, keminde úsh jıldan: 2-dárejeli hám 1-dárejeli gezeginde ámelge asıriladı.
3. Orden menen Ózbekstan Respublikası prezidenti sıylıqlaydı. Orden menen sıylıqlaw haqqındaǵı Párman baspasózde hám basqa ǵalaba-xabar qurallarında daǵaza etiledi. Ózbekstan Prezidentin „Dańq“ ordeni menen sıylıqlaw Ózbekstan Respublikası Joqarı Keńesi tárepinen ámelge asırıladı.
4. Orden menen sıylıqlaw Ózbekstan Respublikası Ministrler Kabineti, Ózbekstan Respublikası Qorǵanıw ministrligi, Ózbekstan Respublikası Mámleket qáwipsizlik xızmeti, Ózbekstan Respublikası Prezidenti mámleket qawipsizlik xızmeti, Ózbekstan Respublikası Milliy gvardiyasi, Ózbekstan Respublikası Ishki isler ministrligi, Qaraqalpaqstan Respublikası Joqarǵi Keńesiniń Baslıǵı, wálayatlar hám Tashkent qala hákimleriniń usınısına qaray ámelge asırıladı.
5. Orden jáne bul sıylıqqa tiyisli hújjetti saltanatli hám keń áshkaralıq tu'rde Ózbekstan Respublikası Prezidenti yamasa onıń atınan wákil etip belgilengen shaxslar tapsıradı.
6. 2-dárejeli „Dańq“ ordeni menen sıylıqlanǵan shaxslar Bazalıq esaplaw muǵdarınıń jigirma mártesi muǵdarında bir márte tolıq to'lenetuǵin pul sıylıǵın aladı. 1-dárejeli „Dańq“ ordeni menen sıylıqlanǵan shaxslar eń kem Bazalıq esaplaw muǵdarınıń qırq mártesi muǵdarında bir márte tolıq to'lenetuǵın pul sıylıǵın aladı.
7. Orden menen sıylıqlanǵan shaxslar nızam hújjetlerinde belgilep qoyılatuǵın jeńilliklerden paydalanadı.
8. Orden ko'kirektiń shep tárepine taǵıladı.
9. Orden menen o'liminen keyin sıylıqlanǵan táǵdirde, orden, sıylıqlaw haqqındaǵı hújjet hám bir márte tolıq to'lenetuǵın pul sıylıǵı sıylıqlanǵannıń shańaraǵına tapsırıladı.

Minezlemesi

I dárejeli „Dańq“ ordeniniń minezlemesi

1-dárejeli „Dańq“ ordeni 0,25 mikron qalıńlıqta altın oralǵan gúmisten tayarlanadı. Ordenniń tiykarı xiyol bo'rtmá formadaǵı segiz qırlı juldız kórinisinde bolıp, onıń orayınan ushına shekem nurlar tarap turadı. Juldızdıń keri jaylasqan ushlarınıń arası 48 millimetr. Ordenniń orayında zumrad reń emal oralǵan gúmis jıyekli qalqan hám orden tiykarınıń reńindegi semserler su'wretlengen. Qalqannıń boyı 20 millimetr, eni 18 millimetr. Qalqan ortasında gúmis reńli yarım ay hám segiz qırlı juldız sheńber diametri 8 millimetrli júzege baylanısqan. Qalqannıń tómeninde bálentligi 3 millimetrli gúmis reń „I“ nomeri bar. Qalqan orden tiykarınıń reńindegi tal shaqaları menen jiyeklengen. Ordenniń shep hám oń bólimlerinde simmetrikalıq tárizde Ózbekstan Respublikası Mámleketlik bayraǵınıń reńlerindegi jayılıp turǵan shúberek jaylasqan. Ordenniń tómen bóleginde qalqan taǵı da qıp-qızıl reńdegi fonda gúmis reń Dańq degen jazıw hám jiyek bar. Háriplerdiń bálentligi 3 millimetr. Ordenniń arqa tárepi oyıq formada. Tómende 1 millimetr shamadaǵı shrift penen ordenniń tártip nomeri jazılǵan. Orden eni 24 millimetrli reńli jolaq shayı shúberek (lenta) sırılǵan bes qırlı qadaǵısh (kolodka) qa sheńber hám qıstırǵısh járdeminde jalǵanadı. Tawardıń ortasınan eni 5 millimetrli ash jasıl reńli jol, keyin bolsa eni 1,5 millimetrli eki aq, eni 4 millimetrli eki qızıl hám eni 3 millimetrli eki hawa reń jollar ótken. Tawardıń shetlerine eni 1 millimetrli qızıl jiyek shıǵarılǵan. Qadaǵıshtıń boyı 48 millimetr, eni 46 millimetr. Orden ilgeshek penen taǵıladı.

II dárejeli „Dańq“ ordeniniń minezlemesi

2-dárejeli „Dańq“ ordeni gúmisten tayarlanadı. Ordenniń tiykarı xiyol bo'rtmá formadaǵı segiz qırlı juldız kórinisinde bolıp, onıń orayınan uchi túwel nurlar taralib turadı. Juldızdıń keri jaylasqan ushları arası 48 millimetr. Ordendiń orayında zumrad reń emal oralǵan zarhal jıyekli qalqan hám orden tiykarınıń reńindegi semserler suwretlengen. Qalqandıń boyı 20 millimetr, eni 18 millimetr. Qalqan ortasında zarhal reńli yarım ay hám segiz qırlı juldız sheńber diametri 8 millimetrli júzege jo bolǵan. Qalqannıń tómeninde bálentligi 3 millimetrli zarhal reń „II“ nomeri bar. Qalqan orden tiykarınıń reńindegi tal shaqları menen jıyeklengen. Ordendiń shep hám oń bólimlerinde simmetrik tárizde Ózbekstan Respublikası Mámleketlik bayraǵıniń reńlerindegi jayılıp turǵan shúberek jaylasqan. Ordenniń tómen bóleginde qalqan taǵı da qıp-qızıl reń fonda zarhal reń Dańq degen jazıw hám jiyek bar. Háriplerdiń bálentligi 3 millimetr. Ordenniń arqa tárepi oyıq formada. Tómende 1 millimetr shamadaǵı shrift penen ordenniń tártip nomeri jazılǵan. Orden eni 24 millimetrli reńli jolaq shayı shúberek (lenta) sırılǵan bes qırlı qadaǵısh (kolodka) ke sheńber hám qıstırǵısh járdeminde jalǵanadı. Tawardıń ortasınan biri-birinen eni 1 millimetrli aq jol menen ajralıp turatuǵın eni 2 millimetrli eki ash jasıl reńli jol ótken. Keyin bolsa eki tárepden eni 1,5 millimetrli eki aq, eni 4 millimetrli eki qızıl hám eni 3 millimetrli eki hawayı jollar ótken. Matoning shetlerine eni 1 millimetrli qızıl jıyek shıǵarılǵan. Tu'yrewishtiń boyı 48 millimetr, eni 46 millimetr. Orden ilgeshek penen taǵıladı.