Doslıq ordeni

Doslıq ordeni

Doslıq ordenı — Ózbekstannıń mámleketlik ordeni. 1994-jıl 5-mayda Ózbekstan Joqarı Keńesi qararı menen islengen. Bul orden menen Ózbekstan Respublikasınıń puqaraları Ózbekstanda jasap atırǵan barlıq millet hám xalıqlardıń wákilleri ortasında doslıq hám awızbirshilikti bekkemlew barısında erisken jetiskenlikleri ushın sıylıqlanadı.

Nızamı

1. Ózbekstan Respublikasınıń puqaraları Ózbekstanda jasap atırǵan barlıq millet hám xaliqlardiń wákilleri ortasında doslıq, óz-ara awızbirshilik hám tatıwlıqtı bekkemlew jumısında erisken úlken jetiskenlikleri, Ózbekstan xalqiniń basqa mámleketler xalıqları menen doslıq hám hár tárepleme sherikligin rawajlandırǵanlıǵı ushın sıylıqlanadı. Ózbekstan Respublikası puqarası bolmaǵan shaxslar da sıylıqlanıwı múmkin.

2.Ózbekstan Respublikası prezidenti sıylıqlaydı. Orden menen sıylıqlaw tuwrısındaǵı Párman baspasózde hám basqa ǵalaba-xabar qurallarında daǵaza etiledi. Ózbekstan Respublikası Prezidentin „Doslıq“ ordeni menen sıylıqlaw Ózbekstan Respublikası Joqarı Jıynalısi tárepinen ámelge asıriladı.

3. „Doslıq“ ordeni menen sıylıqlaw Ózbekstan Respublikası Ministrler Kabineti, Ózbekstan Respublikası Konstituciyalıq sudınıń Baslıǵı, Ózbekstan Respublikası Joqarı Sudinıń baslıǵı, Ózbekstan Respublikası Bas prokurori,Qaraqalpaqstan Respublikası Joqarǵi Keńesiniń baslıǵı, wálayatlar hám Tashkent qala hákimleri, ministrlikler, mámleket komitetleri hám keńse basshılarınıń hám de jámiyetlik birlespeleri respublika shólkemleriniń usınısnnmasına qaray ámelge asırıladı.

4. „Doslıq“ ordenin jáne bul sıylıqqa tiyisli hújjetti saltanatli hám keń áshkaralıq jaǵdayında Ózbekstan Respublikası Prezidenti yamasa onıń atınan Ózbekstan Respublikası Joqarı Keńesiniń Nızamshılıq palatası Spikeri, Ózbekstan Respublikası Joqarı Keńesiniń Senat baslıǵı, Ózbekstan Respublikası Bas Ministri tapsıradı.

5. Sıylıqlanǵan shaxslar eń kem miynet haqısınıń otız mártesi muǵdarında bir jola tolıqlanatuǵın pul sıylıǵın aladı. „Doslıq“ ordeni menen sıylıqlanǵan shaxslar nızam hújjetlerinde belgilep qoyılatuǵın jeńilliklerden paydalanadı.

6. „Doslıq“ ordeni kókirektiń shep tárepine taǵıladı.

7. „Doslıq“ ordeni menen óliminen keyin sıylıqlanǵan táǵdirde orden sıylıqlaw haqqındaǵı hújjet hám bir jola tolıqlanatuǵın pul sıylıǵı sıylıqlan insanniń shańaraǵına tapsırıladı.

Minezlemesi

„Doslıq“ ordeni 1 mikron qalıńlıqta altın menen oralǵan tompaktan tayarlanadı hám ol bir-birine jaylastırılǵan túrli ólshemde, orayı bir bolǵan eki segiz qırlı juldız formasında boladı. Úlken hám kishi juldızlar aralıǵı kók emal menen toldırılǵan. Juldızdıń múyeshleri arasında dónip turatuǵın zarhal, ushları domalaqlanǵan nur qamtımları jaylasqan. Úlken juldızdıń keri qırları aralıǵı 47 millimetr, kishi juldızdıń keri qırları aralıǵı bolsa 41 millimetr. Ordenniń orayında diametri 12 millimetrli sheńber ishinde aq gúmis reńli fonda qoldı qolǵa berip kórisiw belgisi súwretlengen bolıp, qol súwretiniń ayırım jerleri zarhallanǵan. Súwret átirapında, kókshil emal berilgen fonda on eki insaniy pazıyletler belgisi retinde on eki gúmis reńli juldız jaylasqan. Júzesinde juldızlar jaylasqan sheńber diametri 24 millimetr. Pútkil súwret átirapında sheńber jaylasqan bolıp, onıń joqarı bólegine qızıl emal menen naǵıs berilgen Doslıq degen jazıw, tómengi bólegine bolsa, zarhal dafna japıraqları menen islew berilgen. Sheńber diametri 33 millimetr. Arqa tárepiniń tómengi bóleginde ordenniń tártip nomeri 1 millimetr shamadaǵı oyıq shrift penen jazılǵan. Orden kók, jasıl, sarı, qızıl reńli, bir-birinen aq jol menen ajıratılǵan, eni birdey reńdegi jollı shayı lenta sırılǵan túyrewishke sheńber hám qıstırıp qoyıwshı járdeminde jalǵanadı.