Ózbekstanda xızmet kórsetken sharwadar
„Ózbekstan Respublikasında xızmet kórsetken sharwadar“ húrmetli ataǵı — jámáát, akcionerlik, diyqan, ijara, jeke hám basqa túrdegi xojalıqlardıń, kárxanalardıń, oqıw jurtları, ilimiy-izertlew hám zooveterinariya mekemeleriniń, joybar shólkemleriniń sharwashılıqtı rawajlandırıwǵa úlken úles qosqan jumısshılarına beriledi[1][2][3][3].
Minezlemesi
[redaktorlaw | derekti redaktorlaw]- Kókirek nıshanı diametri 30 millimetrli sheńber formasında boladı hám 925 probalı gúmisten tayarlanadı. Nıshannıń qalinligi 2,2 millimetr.
- Nıshannıń jiyeklengen tegis júz tárepinde sharwashılıq ferması fonında otlap júrgen qoy padası hám atlı shopan, tómengi oń shekesinde dafna náwshesi súwretlengen. Nıshannıń aylanası boylap „XÍZMET KÓRSETKEN SHARWADAR“ degen jazıw jaylasqan.
- Nıshannıń arqa tárepinde Ózbekstan Respublikasınıń Mámleketlik gerbi súwretlengen. Súwretler hám jazıw qabarıq.
- Kókirek nıshanı ishki bólegine Ózbekstan Respublikasınıń Mámleketlik bayraǵı reńlerindegi shayı lenta sırılǵan ilgenshekke sheńber hám ilmek járdeminde jalǵanadı.
Derekler
[redaktorlaw | derekti redaktorlaw]- ↑ Ózbekstan Respublikasınıń húrmetli ataqların tastıyqlaw tuwrısında Ózbekstan Respublikası nızamı, 26.04.1996-jıldaǵı 226-I-san
- ↑ Ózbekstan Respublikası ǵárezsizliginiń otız jıllıǵı múnásibeti menen pán, tálim, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba-xabar quralları jumısshılarınan bir toparın sıylıqlaw tuwrısında Ózbekstan Respublikası Prezidentiniń Pármani, 24.08.2021
- ↑ 3,0 3,1 Mámleketlik sıylıǵı iyeleri járiyalandı (tolıq dizim)