Shuhrat medalı
„Shuhrat“ medalı — Ózbekstan Respublikasınıń 1994-jıl 5-may[1] kúngi Nızamı menen shólkemlestirilgen[2].
Nızamı[redaktorlaw | derekti jańalaw]
„Shuhrat“ medalı menen Ózbekstan Respublikası Prezidenti sıylıqlaydı. Medal menen sıylıqlaw tuwrısındaǵı Párman baspasózde hám basqa ǵalaaba-xabar qurallarında daǵaza etiledi. „Shuhrat“ medalı menen sıylıqlaw Ózbekstan Respublikası Ministrler Kabineti, Ózbekstan Respublikasınıń Konstituciyalıq Sudinıń Baslıǵı, Ózbekstan Respublikası Joqarı Sudinıń Baslıǵı, Ózbekstan Respublikası Bas prokurori, Qaraqalpaqstan Respublikası Joqarǵi Keńesiniń Baslıǵı, wálayatlar hám Tashkent qala hákimleri, ministrlikler, mámleket komitetleri hám keńseler basshılarınıń hám de jámiyetlik birlespeler respublika shólkemleriniń usınısnamasına qaray ámelge asırıladı. „Shuhrat“ medalın jáne bul sıylıqqa tiyisli hújjetti saltanatli jaǵdayda Ózbekstan Respublikası Prezidenti yamasa onıń atınan Ózbekstan Respublikası Oliy Majlis Nızamshılıq palatası Spikeri, Ózbekstan Respublikası Oliy Majlis Senati Baslıǵı, Ózbekstan Respublikası Bas ministri, Qaraqalpaqstan Respublikası Joqarǵi Keńesiniń Baslıǵı, wálayatlar hám Tashkent qala hákimleri, sonıń menen birge Ózbekstan Respublikası Prezidenti tapsırmasına qaray basqa shaxslar tapsıradı. „Shuhrat“ medalı menen sıylıqlanǵan shaxslar bazalıq esaplaw muǵdarınıń bes esesi muǵdarında birjola tolıq tólenetuǵın pul sıylıǵın aladı. „Shuhrat“ medalı menen sıylıqlanǵan shaxslar nızamshılıqta belgilep qoyılatuǵın jeńilliklerden paydalanadı. „Shuhrat“ medalı kókirektiń shep tárepine taǵıladı. „Shuhrat“ medalı menen óliminen keyin sıylıqlanǵan táǵdirde medal sıylıqlaw haqqındaǵı hújjet hám birjola tolıq tólenetuǵın pul sıylıǵı sıylıqlanǵannıń shańaraǵına tapsırıladı.
Minezlemesi[redaktorlaw | derekti jańalaw]
„Shuhrat“ medalı dáslep 0,5 mikron qalıńlıqta nikel, keyin bolsa 0,25 mikron qalıńlıqta altın eritpe oralǵan mıs eritpesinen tayarlanadı hám derlik túrli reńdegi emal berilgen boladı. Medal diametri 34 millimetrli sheńber formasında. Medaldıń aldınǵı tárepinde kóterilip kiyatırǵan quyash nurları ishinde Ózbekstan ekonomikalıq qúdiretiniń belgisi bolǵan tábiyat kórinisi toqıma tártipte súwretlengen. Medaldıń tómengi bóleginde aq emal fonında qabariq háriplerde „SUHRAT“ degen jazıw jazılǵan. Háriplerdiń bálentligi 2 millimetr. Medaldıń shetleri eki tárepden toqıma sheńber menen jiyeklengen. Medaldıń arqa tárepinde Ózbekstan Respublikasınıń Mámleketlik gerbi súwretlengen. Tómengi bóleginde medaldıń nomeri 1 millimetr shamadaǵı oyıq shrift menen jazılǵan. Medaldıń qalıńlıǵı 3 millimetr. Medal respublika Mámleket bayraǵındaǵı reńlerinde jolaq shayı tawar sırılǵan bes múyeshtegi qadaǵısh (kolodka) qa sheńber hám qıstırıp qoyıwsha járdeminde jalǵanadı. Tawardıń eni 24 millimetr. Kók, aq hám jasıl jollarıniń eni 7 millimetrden, qızıl jollarıniń eni 1,5 millimetr. Túyrewishtiń boyı 48 millimetr, eni 45 millimetr. Medal ilgeshek menen taǵıladı.