Ózbekstanda xızmet kórsetken transport jumısshısı
„Ózbekstan Respublikasında xızmet kórsetken transport jumısshısı“ húrmetli ataǵı — avtomobil, temir jol, hawa, dárya, qala transportı, jollar qurılısı hám olardan paydalanıw, oqıw jurtları, ilimiy-izertlew mekemeleri, joybar shólkemleriniń, sonday-aq, basqa transport kárxanalarınıń respublika transportın rawajlandırıwda, transport qurallarınan paydalanıw nátiyjeligin asırıwda, jollar qurıw hám olardan paydalanıwda ayrıqsha xızmet kórsetken jumısshılarǵa beriledi[1][2][3][4].
Minezlemesi[redaktorlaw | derekti jańalaw]
- Kókirek nıshanı diametri 30 millimetrli sheńber formasında boladı hám 925 probalı gúmisten tayarlanadı. Nıshannıń qalıńlıǵı 2,2 millimetr.
- Nıshannıń jiyeklengen tegis júz tárepinde teplovoz, júk shinası hám samolyot, tómengi oń shekesinde dafna náwshesi súwretlengen. Nıshannıń aylanası boylap „XÍZMET KÓRSETKEN TRANSPORT JUMÍSSHÍSÍ“ degen jazıw jaylasqan.
- Nıshannıń arqa tárepinde Ózbekstan Respublikasınıń Mámleketlik gerbi súwretlengen. Súwretler hám jazıw qabarıq.
- Kókirek nıshanı ishki bólegine Ózbekstan Respublikasınıń Mámleketlik bayraǵı reńlerindegi shayı lenta sırılǵan ilgenshekke sheńber hám ilmek járdeminde jalǵanadı.
Derekler[redaktorlaw | derekti jańalaw]
- ↑ Ózbekstan Respublikasınıń húrmetli ataqların tastıyqlaw tuwrısında Ózbekstan Respublikası nızamı, 26.04.1996-jıldaǵı 226-I-san
- ↑ Ózbekstan Respublikası ǵárezsizliginiń otız jıllıǵı múnásibeti menen pán, tálim, den-sawlıqtı saqlaw, sport, ádebiyat, mádeniyat, kórkem-óner tarawları hám ǵalaba-xabar quralları jumısshılarınan bir toparın sıylıqlaw tuwrısında Ózbekstan Respublikası Prezidentiniń Pármani, 24.08.2021
- ↑ Mámleketlik sıylıǵı iyeleri járiyalandı (tolıq dizim)
- ↑ Mámleketlik sıylıǵı iyeleri járiyalandı (tolıq dizim)