Gidrometeorologiya xızmeti aǵlası

„Gidrometeorologiya xızmeti aǵlası“ kókirek belgisi menen — gidrometeorologiya hám ıqlımtanıw tarawın rawajlandırıw, ekonomika tarmaqları hám de xalıqtı gidrometeorologiyalıq hám ıqlım ózgerisleri tuwrısındaǵı maǵlıwmatlar menen támiynlew sistemasın jedellestiriw, gidrometeorologiya xızmeti infrasistemasın modernizaciyalaw, sistema iskerligine zamanagóy informaciya hám de jasalma joldas texnologiyaların járiya etiw jumıslarına úlken úles qosqan, jas qániygeli kadrlardı tayarlaw barısında nátiyjeli miynet etken puqaralar sıylıqlanadı^[1]^[2]^[3]^[4].

Minezlemesi

„Gidrometeorologiya xızmeti aǵlası“ kókirek belgisi diametri 34 millimetrli sheńber formasında bolıp, mis eritpesinen tayarlanadı. Nıshannıń qalıńlıǵı 2,5 millimetr.

Nıshannıń aldınǵı tárepiniń joqarǵı bóleginde aylana boylap bálentligi 2 millimetr bolǵan „GIDROMETEOROLOGIYA XÍZMETI AǴLASÍ“ sózleri jazılǵan.

Nıshannıń oraylıq bóleginde meteorologiya gúzetiwleri ushın tiykarǵı qural bolǵan avtomatik meteorologiya stanciyası, onıń oń tárepinde bálent tawlar hám onıń artınan shıǵıp kiyatırǵan quyash hám de tawlardan tómende gidrologiyanı rámziy mániste sáwlelendiriwshi úsh qatarda tolqın sızıqlar sáwlelendirilgen. Kókirek nıshannıń tómengi shetleri boylap maqtanısh hám abıroy mánilerin sáwlelendiriwshi eki dafna japıraǵı súwretlengen. Dafna japıraqlarınıń ústinde meteorologlardıń samal tezligi hám jónelisi boyınsha maǵlıwmat beriwshi „samal gúli“ belgisi sáwlelendirilgen.

Kókirek nıshannıń arqa tárepinde qabarıq aylana orayında úsh qatarda háriplerdiń bálentligi 2 millimetr bolǵan „GIDROMETEOROLOGIYA“, „TARAWÍNDAǴÍ NÓTIYJELI“, „MIYNETLERI USHÍN“ sózleri jazılǵan. Barlıq jazıwlar hám súwretler qabarıq. Kókirek nıshanı ilgenshekke sheńber hám ilmek járdeminde jalǵanadı.

Ilgektiń eni — 26 millimetr, boyı — 17 millimetr. Ilgek eni 22 millimetrli kók reńdegi shayı lenta menen qaplanǵan. Lentanıń ortasınan eni 0,5 millimetrli eki aq reńli jol vertikal halda ótken. Ilgektiń arqa tárepine kókirek nıshanın kiyimge taǵıp qoyıw ushın ilgenshek kórinisindegi maslama ornatılǵan.

Derekler

Siltemeler

[1] “Gidrometeorologiya xızmeti aǵlası” kókirek belgisi tastıyqlaw tuwrısında Ózbekstan respublikası Ministrler Kabinetiniń qararı, 09.06.2021-jıldaǵı 356-san

[2] “Gidrometeorologiya xızmeti aǵlası” kókirek belgisi tastiyqlandı

[3] “Gidrometeorologiya xızmeti aǵlası” kókirek belgisi tastiyqlandı

[4] “Gidrometeorologiya xızmeti aǵlası” kókirek belgisi tastiyqlandı^{[sayt islemeydi]}

[1]

[2]

[3]

[4]