Zulfiya atındaǵı mámleketlik sıylıq

Zulfiya atındaǵı mámleket sıylıq — Ózbekstan Respublikasınıń Mámleketlik sıylıqlarınan biri. Ózbekstan Respublikası Prezidentiniń "Zulfiya atındaǵı Mámleket sıylıǵın shólkemlestiriw boyınsha usınıslardı qollap-quwatlaw tuwrısında" 1999-jıl 10-iyundaǵı pármanına muwapıq shólkemlestirilgen. Mektep, licey, kolledj hám joqarı oqıw orınlarında artıqmash xulqı, tapqırlıǵı, danalıǵı, ǵayratkerligi, oqıwındaǵı tabısları menen ayrıqsha uqıbın tastıyıqlay otırıp, tálim alıp atırǵan, ǵárezsizlik ideyaların ámelge asırıw jolında jigerli túrde miynet etip atırǵan 25 jasqa deyingi intali qızlarǵa ádebiyat, mádeniyat, kórkem-óner, pán, bilimlendiriw tarawlarındaǵı bólek jetiskenlikleri ushın beriledi. Sıylıq Qaraqalpaqstan Respublikası, wálayatlar hám Tashkent qalasınıń birewden wákillerine jámi 14ine beriledi. Sıylıqtıń hár biri eń kem aylıq is haqınıń 50 barabarı muǵdarında tayınlanǵan. Zulfiya atındaǵı mámleket sıylıq iyeleri bolǵan mektep, licey, kolledj oqıwshıları tańlaǵan baǵdarları boyınsha joqarı oqıw orınlarına imtixansız qabıl etiledi, olarǵa tós nıshanı hám diplomı tapsırıladı. Sıylıq Ózbekstan Respublikası Hayal-qızlar komitetiniń baslıǵı basshılıq etetuǵın komissiya nátiyjeleri tiykarında ministrler Mákemesi sheshimi menen hár jılı 8-mart — Hayal-qızlar kúni bayramı, Ramazan yaki Qurban hayttan aldıńǵı kúninde berilgen.Shavkat Mirziyoyevtıń 2021-jılǵı qararı menen Zulfiya atındaǵı mámleket sıylıqı komissiyası Máhelle hám shańaraqtı qollap-quwatlaw ministrligi qasındaǵı jámiyetshilik tiykarında iskerlik júrgizedi hám jámiyetshilikke ministrdiń birinshi orınbasarı basshılıq etedi.