Kontentke ótiw

Mártlik medalı

Wikipedia, erkin enciklopediya
Jasorat medalı
(1994-jıl 5-may)

Jasorat ("Mártlik") medalı — Ózbekstan Respublikasınıń orden hám medallarınan biri[1].

Nızamı[redaktorlaw | derekti redaktorlaw]

1. „Mártlik“ medalı menen Ózbekstan Respublikası áskeriy xizmetkerleri, Mámleket qawipsizlik xızmeti, Milliy gvardiyasınıń hám ishki isler shólkeminiń xızmetkerleri, Respublikanıń milliy qawipsizligin támiyinlew, jámiyetlik rejimin saqlaw hám ayıpkerlikke qarsı gúreste, áskeriy minnetti yamasa xızmet minnetin ótew waqtında kórsetken mártlik hám batırlıqları ushın sıylıqlanadı. „Mártlik“ medalı menen Ózbekstan Respublikası puqaraları yamasa Ózbekstan Respublikası puqarası bolmaǵan shaxslar tábiyiy apat, órt hám basqa da ayrıqsha jaǵdaylar waqtında jámiyetlik rejimdi saqlawda, insanlar ómirin, mámleket hám jámiyetlik múlkin saqlap qalıwda kórsetken mártlikleri ushın sıylıqlanıwı múmkin.

2. „Mártlik“ medalı menen Ózbekstan Respublikası prezidenti sıylıqlaydı. Medal menen sıylıqlaw tuwrısındaǵı Párman baspasózde hám basqa ǵalaba-xabar qurallarında daǵaza etiledi.

3. „Mártlik“ medalı menen sıylıqlaw Ózbekstan Respublikası Qorǵanıw ministrligi, Ózbekstan Respublikası Mámleket qawipsizlik xızmeti, Ózbekstan Respublikası Prezidenti mámleket qawipsizlik xızmeti, Ózbekstan Respublikası Milliy gvardiyasi, Ózbekstan Respublikası Ishki isler ministrligi, Qaraqalpaqstan Respublikası Joqarǵi Kengesiniń Baslıǵı, wálayatlar hám Tashkent qala hákimleriniń usınısnamasına qaray ámelge asırıladı.

4. „Mártlik“ medalın jáne bul sıylıqqa tiyisli hújjetti saltanatli rıwishte Ózbekstan Respublikası Prezidenti yamasa onıń atınan Ózbekstan Respublikası Joqarı Mıjlis Nızamshılıq palatası Spikeri, Ózbekstan Respublikası Joqarı Mıjlisi Senatı Baslıǵı, Ózbekstan Respublikası Bas ministri, Ózbekstan Respublikası Qorǵaw ministri, Ózbekstan Respublikası Mámleket qawipsizlik xızmeti baslıǵı, Ózbekstan Respublikası Prezidenti mámleket qawipsizlik xızmeti baslıǵı, Ózbekstan Respublikası Milliy gvardiyasi komandiri, Ózbekstan Respublikası Ishki isler ministri, Qaraqalpaqstan Respublikası Joqarǵi Keńesiniń Baslıǵı, wálayatlar hám Tashkent qala hákimleri, sonıń menen birge, Ózbekstan Respublikası Prezidenti tapsırmasına muwapıq basqa shaxslar tapsıradı.

5. „Mártlik“ medalı menen sıylıqlanǵan shaxslar eń kem is haqınıń on barabarı muǵdarında bir mártelik tolıq tólenetuǵın pul sıylıǵın aladı. „Mártlik“ medalı menen sıylıqlanǵan shaxslar nızam hújjetlerinde belgilep qoyılatuǵın jeńilliklerden paydalanadı.

6. „Mártlik“ medalı kókirektiń shep tárepine taǵıladı.

7. „Mártlik“ medalı menen óliminen keyin sıylıqlanǵan táǵdirde, medal sıylıqlaw haqqındaǵı tiyisli hújjet hám bir mártelik tolıq tólenetuǵın pul sıylıǵı sıylıqlanǵannıń shańaraǵına tapsırıladı.

Minezlemesi[redaktorlaw | derekti redaktorlaw]

„Mártlik“ medalı daslep 0,5 mikron qalıńlıqta nikel, keyin bolsa 0,25 mikron qalıńlıqta altın oralǵan mıs eritpesinen tayarlanadı hám diametri 34 millimetrli sheńber formasında boladı. Medaldıń hawa reń emal menen oralǵan aldınǵı tárepinde quyash hám taralıp turǵan nurlar fonında dańq, húrmet hám mártlik belgisin ańlatiwshı qalqan hám semser tutqan atlı jawınger súwretlengen. Medaldıń tómengi bóliminde qızıl emal fonında qabariq háriplerde JASORAT degen jazıw berilgen. Háriplerdiń bálentligi 2 millimetr. Medaldıń shetleri eki tárepinen de qabariq sheńber menen aldınǵı tárepinen qosımsha qalıńlıǵı 0,8 millimetr qızıl jol menen oralǵan. Medaldıń arqa tárepinde Ózbekstan Respublikasınıń Mámleketlik gerbi súwretlengen. Tómende medaldıń nomeri 1 millimetr shamadaǵı oyıq shrift menen jazılǵan. Medaldıń qalıńlıǵı 3 millimetr. Medal úsh reńli jolaq shayı shúberek (lenta) sırılǵan bes qırlı qadaǵısh (kolodka) qa sheńber hám qıstırıp qoyatuǵın járdeminde jalǵanadı. Tawardıń eni 24 millimetr. Tawardıń ortasınan eni 4 millimetrli jasıl reń jol ótken. Onıń eki janınan eni 1 millimetrli aq jol orın alǵan. Aq jollardıń qasınan eni 2 millimetrli jasıl reń jollar hám eni 5 millimetrli qızıl jollar ótedi. Tawardıń shetlerinen eni 2 millimetrli jasıl reń jollar ótken. Túyrewishtiń boyı 48 millimetr, eni bolsa 45 millimetr. Medal ilgeshek penen taǵıladı.

Derekler[redaktorlaw | derekti redaktorlaw]