Joqarı dárejeli doslıq ordeni

“Joqarı Dárejeli Doslıq” ordeni — Ózbekstan Respublikası xalqiniń sheksiz húrmet hám sıylasıq belgisi retinde Ózbekstan Respublikası menen óz-ara doslıq, hár tárepleme strategiyalıq sheriklik mu'nasebetlerin turaqlı rawajlandırıwda, regionlıq hám xalıq aralıq áhmiyetke iye bolg'an aktual máselelerdi sheshiwde joqarı siyasiy shıdamlılıq kórsetken, aktiv islerdi ilgeri súrgen hám kóp qırlı sheriklik baylanısların jáne de rawajlandırıwǵa jańasha rux, tereń hám ámeliy mazmun baǵıshlaǵan hám de Ózbekstan Respublikası aldında ayri'qsha tán alıng'an joqarı xızmetleri ushın :

• shet mámleketler hám húkimet basshıları;
• shet mámleket parlamentleri wákilleri;
• xalıq aralıq shólkemler, diplomatiyali'q wákilxanalar, konsullik mákemeleri hám de olarǵa teńlestirilgen basqa shólkemlerdiń basshıları hám wákilleri;
• ataqlı mámleket hám jámiyetlik ǵayratkerler, ilim, tálim hám tárbiya, den-sawlıqtı saqlaw, ruwxıylıq, mádeniyat hám sport tarawlarınıń kózge kóringen úlken wákilleri, insanparwarli'q ruwxındaǵı iygilikli jumısları menen ko'zge ko'ringen metsenatlar, biznes jámiyetshiliginiń belgili wákilleri sıylıqlanadi.

Kórsetken múnásip xızmetleri ushın

• Ózbekstan Respublikası menen shet mámleketleri ortasında hár tárepleme mápdar sheriklik mu'nasebetlerin rawajlandırıw, óz-ara húrmet hám isenimdi kúsheytiwdegi jeke úlesi;
• shet el mámleketleriniń xalıqları menen doslıq, awızbirshilik hám sheriklik mu'na'sebetlerin bekkemlew boyınsha kórsetken ayri'qsha xızmetleri;
• ulıwma insanıylıq hám milliy ruwxıy qádiriyatlardı, tariyxıy miyraslari'mi'zdi' álpeshlep saqlaw, úyreniw hám keń ja'miyetshilikke tarati'w, túrli xalıqlar mádeniyatı hám kórkem-ónerin jáne de bayıtıwdaǵı aktiv qatnası;
• sırtqı ekonomikalıq iskerlikti keńeytiw, iri social-ekonomikalıq hám investitsiya joybarların ámelge asırıw, sonıń menen birge, innovciyalıq ideya hám texnologiyalardı jaratıw hám de túrli tarawlarda qollanıwda erisken salmaqlı nátiyjeleri;

Ilim rawajlanıwına qosqan úlesi ushın

• Ilım-pa'n hám bilimlendiriw, mádeniyat, kórkem-óner hám a'debiyat, ta'lim, Den-sawlıqtı saqlaw hám sport tarawların, sonıń menen birge, insan kapitalın rawajlandırıw boyınsha úlken jetiskenlikleri;
• Insan huqıqlari', erkinlikleri hám nızamlı máplerin qorǵaw, Hayallar-qızlar huqıqlari' hám balalardı qollap-quwatlaw, shańaraq institutın bekkemlewdegi kóp jıllıq miyneti;
• Kúshli hám ádalatlı puqaralıq jámiyetin qurıw, puqaralıq jámiyeti institutlarınıń mámleketimizdi demokratiyalıq jańalawdaǵı roli hám áhmiyetin asırıw, jámiyet hám mámleket ortasındaǵı sistemalı hám nátiyjeli baylanısti jolǵa qoyıw hám bekkemlewdegi úlken xızmetleri;

Jámiyet hám átirap-ortalıqtı álpeshlep saqlaw jolında

• ekologiyalıq mashqalalardi' sheshiw, planetamız hám mámleketimizde qolayli' átirap-ortalıqtı támiyinlew, insan genofondi'n saqlaw, bio ha'rqi'yli'li'q hám tábiyiy baylıqlardı álpeshlep saqlaw, házirgi hám keleshek áwladtıń ekologiyalıq qawipsizligi haqqında ǵamxorlıq etiwge qaratılǵan kóp jıllıq nátiyjeli iskerligi;
• xalıq aralıq kólemdegi úlken jámiyetshilik, gumanitar hám qayırqomlıq iskerligi ushın sıylıqlanadı.