Wikipedia, erkin enciklopediya
Aǵıtay Adilov (1941. 10. 2, Taxtakópir rayonı ) — awıl xojalıǵı óndirisi novatori, usta diyqan, Ózbekstan Qaharmanı (2005). Ózbekstanda xızmet kórsetken awıl xojalıǵı jumısshısı (1992), Qaraqalpaqstan Respublikasında xızmet kórsetken ekonomist (1976 ). Tashkent xalıq xojalıǵı institutın pitirgen. Taxtakópir rayonı „Qońıratko'l“ mámleket xojalıǵında bas esapshı (1970-76 ), „Taxtakópir“ mámleketlik xojalıǵı direktorı (1977-93), 1993-jıldan „Taxtakópir“ shirket xojalıǵı baslıǵı. Adilov basshılıq etken jıllarda xojalıq respublikada rentabelligi joqarı, ekonomikalıq quwatlı xojalıqlardan birine aylandı, xojalıqtıń mashina -traktor parki eń zamanagóy texnika menen támiyinlendi, salı, biyday, paxtadan joqarı ónim jetistiriwge eristi, social -materiallıq oraylar, xojalıq xızmet kórsetiw shaqapshaları, un, gúrish cexları, gerbish zavodı hám basqa qurıldı. Adilov 12-shaqırıq Ózbekstan Respublikası Joqarı Keńesi (1990 -94), 1-shaqırıq Qaraqalpaqstan Respublikası Joqarı Keńesi, 2-shaqırıq Ózbekstan Respublikası Joqarı Májlisi deputatı. 2005-jıldan Ózbekstan Respublikası Joqarı Májlisi Senatı aǵzası, 3-shaqırıq Qaraqalpaqstan Respublikası Joqarı Keńesi deputatı. " Shuxrat" medalı (1998), " El-jurt húrmeti" ordeni menen sıylıqlanǵan (2003).
