Beknazar Saparov
| Tuwılǵan sánesi | 18-aprel 1948 |
|---|---|
| Qaytıs bolǵan sánesi | 17-may 2021 (73 jasta) |
Saparov Beknazar Habipovich 1948-jılı 18-aprelde Qaraqalpaqstan ASSRınıń Xójeli rayonı 5-shi awıl sovetinde tuwılǵan. Milleti Qaraqalpaq, shańaraqlı 7 perzentli bolǵan.
Xojeli rayonında 1955-jılı mektepke barıp 1963-jılı mekteptiń 8-klassın pitkerip, sol 1963-jılı Fergana oblastınıń Marǵılan qalasındaǵı Plan-ekonomika texnikumına kirip, 1966-jılı sawda-ekonomisti qaniygeligin alǵan.
1970-jılı oktyabr ayında Sovet armiyası qatarına shaqırtılıp, Krasnodar krayında ishki-isler voyıskasında hizmet ótegen hám SSSR Qurallı kúshleriniń zahiradaǵı oficer esabında bolǵan.
1976-jılı Tashkent halıq xojalıǵı institutınıń sawda ekonomika fakultetiniń sırttan oqıp pitkerip joqarı maǵlumatlı sawda-ekonomisti qaniyqeligin alǵan.
1979-jılı Keńes awqamı Kommunistik partiyası aǵzalıǵına qabıl etilgen.
1966-1980 jıllar aralıǵında Qaraqalpaqstannıń sawda-ekonomika tarawları kárhanalarında hár túrli lawazımlarda, soń 1981-1989 jıllar aralıǵında sawda-ekonomika tarawları kárhanalarında basshı lawazımlarında jumıs islegen.
1990-jılı Keńes húkimetiniń Qaraqalpaqstandaǵı sawda waziri etip tayınlanǵan.
1991-jılı 30-avgust kúni Keńes Húkimeti (SSSR) tarqatılıp sonıń menen birge Keńes húkimetiniń Qaraqalpaqstandaǵı sawda wazirligi tarqatılǵan.
Ótken XX-asirde húkimranlıq qılǵan Keńes húkimetiniń Qaraqalpaqstandaǵı eń sońǵı sawda waziri Saparov Beknazar Habipovich 2021-jıldıń 17-may kúni 73 jasında dunyadan mańgige kóz jumǵan.
Nagradaları: Qaraqalpaqstan ASSRına miyneti singen sawda xizmetkeri. SSSR tutınushlar kooperaciyası Lenin ordenı