Berdaq Allaniyazov
Berdaq Bawyetdinovich Allaniyazov (28-sentyabr 1965-jıl) – dárwashı sıpatında oynaǵan qaraqalpaq milletine tiyisli sovet hám ózbek futbolshısı. Ózbekstannıń bir qatar futbol klubları hám birinshi náwbette Ózbekstan milliy terme komandası ishindegi oyınları menen tanılǵan,onıń quramına 1994-jılda Aziya oyınları jeńimpazı bolǵan.
Futbolshılıq iskerligi[redaktorlaw | derekti jańalaw]
Berdaq Allaniyazov 1981-jılda ekinshi ligadaǵı Nókistiń „Ámiwdárya“ komandası quramında futbol maydanlarında oynaǵan. 1982–1983-jıllarda Allaniyazov Namangannıń „Avtomobilist“ klubı dárwazasın qorǵaǵan. 1987-jılda Berdaq Allaniyazov ekinshi ligada Angrenniń „Shaxtyor“ klubı quramında top súrgen, keyin ekinshi liga klubları Sirdáryanıń „Jańajer“ hám „Jaslıq“ dárwazasın qorǵaǵan. 1990-jılda Allaniyazov sol waqıtta „Aral“ atın alǵan Nókis klubına qayttı. Allaniyazov komanda da bolǵan waqıtta dáslepki jılı ekinshi ligada top súrgen bolsa, SSSR bóleklenip, Ózbekstan ǵárezsizligi daǵazalanǵannan soń, Nókis komandası quramında 1994-jılǵa shekem Ózbekstan chempionatı joqarı ligasında top súrgen. Keyinsheli 1997–1998-jıllarda Berdaq Allaniyazov elitanıń „Xorezm“ klubında top súrgen bolsa, onıń sońǵı professional klubı Nókistiń „Turan“ klubı bolǵan.
Futboldaǵı tiykarǵı iskerligin „Aral“(Nókis) klubında ótkergen.
Ózbekstan terme komandasındaǵı iskerligi[redaktorlaw | derekti jańalaw]
Berdaq Allaniyazov Ózbekstan terme komandasındaǵı debyutın 1992-jıl 23-avgust kúni Qırǵızstan terme komandasına qarsı ótkergen[1]. Allaniyazov 1994-jılda Yaponiyada bolıp ótken Aziya oyınlarında qatnasıw ushın terme komandaǵa kirgizildi. OFK sol jılı terme komandalar qatarına tek 23 jasqa deyingi futbolshılardı tartıw tuwrısında qarar qabıl etken bolsa da, bul turnirge derlik barlıq komandalar eń kúshli quram menen kelgen. Berdaq Allaniyazov turnirdi tiykarǵı dárwazashı retinde basladı, biraq Tailand terme komandasına qarsı áwmetsiz oyınnan keyin, Ózbekstan terme komandası 5:4 esabında jeńiske erisedi. Dárwazashı 4 gol ótkerip jiberedi jáne onıń ornın Yuriy Sheykin iyeledi[2]. Keyin Ózbekstan terme komandası finalǵa shekem jetip barıp, Aziya oyınları jeńimpazına aylandı.
Jeńisleri[redaktorlaw | derekti jańalaw]
Ózbekastan milliy terme komandası quramında 1994-jılda Aziya oyınlarında komanda quramında jeńiske erisken Berdaq Allaniyazov[3] basqa oyınlar jeńimpazları hám olardıń ustazları menen birgelikte Ózbekstan Respublikasiı mámleketlik sıylıq – „Shuhrat“ medalı menen sıylıqlandı[4].
Derekler[redaktorlaw | derekti jańalaw]
- ↑ Uzbekistan – Kirgiziya – 3 : 0 23.08.1992 (russha)
- ↑ Sbornaya Uzbekistana, pobedivshaya na Aziade v 94-om. Gde oni seychas? (russha)
- ↑ „Ўзбекистон терма жамоасида ўйнаган қорақалпоғистонлик футболчиларни биласизми?“. 10 ноя 2017 12:33da túp nusqadan arxivlendi.
- ↑ Ukaz Prezidenta (russha)
Siltemeler[redaktorlaw | derekti jańalaw]
- Berdaq Allaniyazov Footballfacts saytında futbolshı profili
- Berdaq Allaniyazov Transfermarkt saytında futbolshı profili