Dálibay Mámbetmuratov
| Dálibay Mámbetmuratov | |
|---|---|
| Ulıwma maǵlıwmatlar | |
| Milleti | qaraqalpaq |
| Oqıǵan jeri | J.Shamuratov atındaǵı kórkem-óner muzıkalıq uchilishesi Ostrovskiy atındaǵı Tashkent teatr hám súwretshilik institutınıń |
| Universitet | J.Shamuratov atındaǵı kórkem-óner muzıkalıq uchilishesi Ostrovskiy atındaǵı Tashkent teatr hám súwretshilik institutınıń |
| Janr | |
| Sayt | |
Dálibay Mámbetmuratov Qaraqalpaqstanǵa xızmet kórsetken artist, Qaraqalpaqstan Respublikası xalıq artisti. 1956-jılı Kegeyli rayonında tuwıladı.
Iskerligi
[redaktorlaw | derekti redaktorlaw]1974-1978-jıllar aralıǵında J.Shamuratov atındaǵı kórkem-óner muzıkalıq uchilishesiniń vokal bóliminde B.Nadırov klasında tálim alǵan. 1980-1985 jıllar aralıǵında Ostrovskiy atındaǵı Tashkent teatr hám súwretshilik institutınıń Teatr aktyorı fakultetinde oqıydı. 1984-jil Berdaq atındaǵı Mámleketlik filarmoniyasınıń «Qırq qız» estrada ansambline solist bolıp kiredi. 2001-jılı «Ayqulash» ansamblinde házirge shekem solist bolıp islep kelmekte.
Dóretiwshiligi
[redaktorlaw | derekti redaktorlaw]Onıń atqargan qosıqlarınan: Qaraqalpaq xalıq qosıqlarınan «Sáwdigim», «Dád álinnen», «Sayatxan baǵdadur baǵda», N.Muxametdinov namalarına «Gúl yanlıdı», «Jáne jayhun bolıp aqtıńda keldin», «Bolmas», «Badam qabaq astında». Q.Záretdinov namalarına «Dayı qız», «Gúlsara, «Seniń kózlerin, «Bozatawlı názalim», Sh.Paxratdinov namalarına «Bir gúl kórindide ketti», «Sen kúlip kettin», «Sen jaqsı qızsań», «Onda báhár edi», Q.Xilalov namalarına «Baxıtlı ete almadım», «Qaylardasań», «Opadarıń men bolayın», «Yar ıshqı», «Seni izledim», «Ǵazlar ushar», «Muxabbatıma», M. Jiemuratov namalarına «Kegeyliden suw alǵan qız», «Bir qara», «Nókis qızları» qosıqların atqarıp kelgen. Ol Qaraqalpaqstandaǵı belgili qosıqshılar menen birgelikte kóp jıllar dawamında «Ayqulash» ansambli menen birgelikte Moskva, Gorkiy, Ufa, Ulyanovsk, Kazan, Kishinyov, Odessa, Yalta, Simferopol, Sochi, Ordjenikidze, Maxachkala, Baku, Almatı, Frunze, Tashkent, Dushanbe, Ashqabad, Hindistan, Koreya, Chexoslovakiya h.t.b. mámleketlerde Qaraqalpaq kórkem-ónerin tanıtıp kelgen.
Sıylıqları
[redaktorlaw | derekti redaktorlaw]Kórkem-óner iyesi 2024-jılı 13-aprelde "Qaraqalpaqstan Respublikası xalıq artisti" ataǵın aldı.
Derekler
[redaktorlaw | derekti redaktorlaw]- Nadırova A. Qaraqalpaq muzıka tariyxı. –Tashkent, «Sano-standart» baspası, 2018, 384 bet. ISBN 978-9943-5335-2-3