Ekaterina II Alekseevna

Ullı Ekaterina II
	nemisshe Sophie Auguste Friederike von Anhalt-Zerbst-Dornburg
	; Ulıwmalıq Rossiya imperatorı
Jeke maǵlıwmatları
Tuwılıwı	21.4.1729; Shtettin qamalı, Prussiya korolligi
Ólimi	6.11.1796 ; Sankt-Peterburg, Rossiya imperiyası
Balaları	Pavel I Petrovich; Anna Petrovna; Aleksey Grigorevich Bobrinskiy
Anası	Ioganna-Yelizaveta Golshteyn-Gottorpskaya
Ákesi	Xristian-Avgust Angalt-Tserbstskiy
Qolı

Ekaterina II Alekseevna (1729.21.4 — 1796.6.11) — Rossiya imperatorı (1762—1796). Nemis knyazları áwladınan, negizgi atı Sofiya Frederika Avgusta Angalt-Tserbstskaya. 1744-jılda Rossiya imperatorı Elizaveta Petrovna baspanasına kelgeninen soń, pravoslav dinine ótken hám Ekaterina Alekseevna atın qabıl qılǵan. 1745-jılda Pyotr III ge nekelengen. Ekaterina II gvardiyashı oficerler járdeminde saray awdarılısın jasaǵan (1762-jıl 28-iyun) Pyotr III ni qamaqqa aldırıp, 5-iyulda óltirtken hám ózi taxtqa otırǵan. Onıń ischki hám sırtqı siyasatı dvoryanlar mápin qorǵawǵa, krepostnoylıq hám zalım hákimiyattı kúsheytiwge qaratılǵan 1775-jılǵı gubernya reforması, 1785-jılda dvoryanlarǵa berilgen jeńillikler hám basqa ilajlar dvoryanlar húkimranlıǵın bekkemlewge xızmet etti. Ekaterina II dáwirinde Pugachyov qozǵolonialańı (1773—1775) bolǵan; rus-túrk urısı (1768—74, 1787—91) nátiyjesinde Rossiya Qara teńizde úzil-kesil bekkemlenip alǵan; Arqa Qara teńiz boyı, Qırım, Kuban shólleri qosıp alınǵan. Shıǵıs Gruziya Rossiya qaramaǵına qabıl etilgen (1783). Ukraina hám Belorussiyanıń bir bólegi Rossiyaǵa qosıp alınǵan. Volter hám basqa francuz aǵartıwshıları menen xat jazısqan. Kóplegen dramalıq, publicistikalıq, ilimiy-ǵalabalıqqa arnalǵan maqalalar avtorı^[1].